advertisement

過時過節的傳統是要吃大餐,而港人最愛以盆菜歡度佳節,貪其有儀式感又夠方便!不過,近日一位網民突發奇想,在連登討論區發文表示「因乜解究近十年大時大節都咁X鐘意叫人食盆菜」,發出為何大家都喜歡吃盆菜的感想。

樓主表示:「新年又食,做冬又食,復活節都食,明明以前款款碟碟擺晒出黎仲好食,依家一盆汁滾起啲野得一隻味,仲要搵個濕X狗飯盆裝比你,一年一次都要食得咁頹,個冬唔做都把X就啦。」

此帖一出,有不少網民都認同樓主,紛紛表示盆菜真的難吃,更加是劣食,形容是廚餘筒:「盆菜真係俾狗食,擺到幾靚都係豬潲咁」、「盆菜根本就係百鳥歸巢,廚餘筒」、「支持盆菜全面收皮」、「我都覺得奇怪,明明係圍村佬風俗,唔知幾時變成香港人風俗咁,最重要係盆菜唔好食」、「港豬就係港豬,飼料邊駛好食」。

圖片來源:《愛回家》

更有網民非常激動地發表意見:「X你老母盆菜根本就係劣食!我再講多一次,稍為有修養,有文化,稍為有人性,X你根本就唔X會食盆菜!食盆菜不如食麥當勞!食家鄉雞!X你老母盆菜邊度好食啫?根本就係唔好食!」此網民以很長的篇幅表達對盆菜的不滿,引起了其他網民的回應。

其實,根據其他網民所說,吃盆菜是基於4個主要原因,建議樓主不要為反而反。

 

吃盆菜好處1:價錢夠平

圖片來源:《愛回家》

不少網民認為盆菜價格夠實惠,相比起自己買餸,還是外出做冬,價錢都比較貴:「依家買餸太貴啦,買盤菜又平又唔洗煩」、「成本問題,有錢咪有講究,無咁有錢咪無咁講究」、「我都寧願食盆菜,做節一定加價比人當水魚劏,每碟餸成本都$100起」。

 

吃盆菜好處2:盆菜不會太麻煩

圖片來源:連登討論區

 

有網民指出吃盆菜是因為怕麻煩, 要照顧一家人份量的餸菜實在不簡單,令到網民群起反駁樓主:「你估咁易整咩,x咗x多嘢講可能碗都冇份你洗啦死x頭,好似第一張圖十幾樣餸加埋啲碗碗碟碟,淨係洗碗都洗到隻手脫皮啦!個個做節都想食好西啦,咁多餸你估唔洗時間煮㗎?整海味冬菇又要早幾日浸定,炆豬手/豬肉又要汆水又剩,仲有蒸魚蒸雞炒菜同煲埋個靚湯。」

 

吃盆菜好處3:餸菜易冷

圖片來源:連登討論區

有網民指出香港廚房太細,爐頭不多,所以餸菜易冷,煮好的飯菜難保溫,「仲有而家凍,屋企如果冇焗爐同保溫機,3爐頭煮完d餸都會凍曬」,而吃盆菜就可以解決這個問題,因為盆菜的餸集中於一盆中,加熱也比較方便。

 

吃盆菜好處4:沒人識做菜

有網民指出做冬的菜式大多都是傳統菜式:「整一圍枱餸要好長時間,而且好多餸都好傳統,唔係個個識整同埋整得好食」,反而叫一個盆菜就不用人下廚了。