advertisement
邊個話發白日夢就係唔好？近年有唔少研究就發現，鍾意發白日夢嘅人，喺工作上唔單止較有效率，仲更有創意！
美國喬治亞理工學院嘅研究人員進行實驗，要求超過一百位受試者將注意力集中喺一個固定點，為時5分鐘，研究人員利用利用核磁共振掃描受試者嘅大腦，睇下邊個區域處於活躍期，結果發現大腦越活躍嘅受試者，就越容易分心。
而另一個關於發白日夢頻率嘅測試中，亦發現頻繁發白日夢嘅受試者，智力同創造力都比較好，大腦運作上亦都較有效率。又有研究報告指，高效能嘅大腦能夠快速處理訊息，完成後大腦仍然繼續運行，因此產生了「發白日夢」呢種行為，證明只係大腦太有效率而引致嘅結果。聽完之後，成日發白日夢嘅你有冇覺得自豪？
