advertisement
搵食艱難，在職場生存更難！相信唔少人都中過招、瀨過嘢，甚至死過翻生吧！當你仲未賺夠退休之前，想安安穩穩領個月薪，就要好好善用自己的眼、耳、口、鼻等五官來自保！
眼 唔係咁都睇唔到呀？
雖然我們的眼睛是向前方，但眼角兩旁總有餘光嘅。除了應付眼前的人兄，更要撐大點雙眼留意旁邊閃過的刀光劍影，免得得失了任何人而不自知。
耳 我咩都聽唔到！
只要是多過一個人的地方就會有是非，這個永恆定律應該冇人唔知。不過，知得愈多煩惱就愈多，冇營養嘅是非，還是戴上耳機避一避啦！
口 其實你係咪啞嘅？
就算你幾做得嘢，甚至幾識幫同事執手尾，都難保有一日是你需要別人的幫助。經常性擺出高姿態，平時就連招呼都唔打個，臭名自然遠播，有起難上嚟相信都幾難有人肯主動出手。反省一下吧！
鼻 OT你食咩好嘢呀！
當人人怨聲載道地OT之際，你竟然要開動一盤香氣撲鼻的晚餐？要知道嗅覺的記憶力非同小可，就算未有當場成為犯眾憎，你的同事們應該都會記你一世！大家不過是為了糊口，再咀刁都忍忍口啦！
皮膚 掂夠未啫你！
係嘅！係有些人講說話時猶如不自控地手舞足蹈，但唔一定要掂人哋囉！（摸臉、撓手、疊膊頭…通通皆是）見到嘅人總有一個會心諗：「搏咩呀你！」而是非，亦就此傳開。咁Friendly嘅嘢，都係留返同Friend先做啦！
