連登仔力勸COLLAR解散？ 網民逐一狠評8成員：出活動8變7再變3不如單飛算

今年7月底，阿Mo（李啟言）因發生了MIRROR演唱會事故而受到重創，其女友COLLAR成員So Ching（蘇芷晴）決定全面停工，之後COLLAR成員8缺1。近日，有網民在連登討論區以「不如COLLAR解散啦好嗎？成隊根本係靠IvySo一個撐起」為題發文，認為COLLAR聲勢大不如前，此帖更引來了不少網民激烈討論！

演唱會事故發生至今已經4個半月，COLLAR其他成員早已復工，但每次在台上演出的成員人數卻漸減，由8個變7個，7個再變4個，到最近一次只得3名成員充撐場面。

最近一次全員公開演出已經要數今年5月26日為張敬軒的紅館演唱會擔任嘉賓。

因為So Ching停工，不少網民認為她影響了COLLAR的工作，更有粉絲要求她退團，不要拖累眾人，不過COLLAR其他成員團魂滿滿，表示「8-1=0」。

COLLAR 8缺1後，於上月底出席代言活動，阿Day因病缺席，但是有份出席主持跑步比賽鳴槍儀式的Ivy So與Candy竟然無份上台表演，只在台下充當「啦啦隊」！

今個月初，COLLAR出席喇沙書院的Talent Quest擔任嘉賓，竟只剩下Day、Ivy So及Winka 3女表演，但是此表演卻被網民認為不合格。

有網民在連登發文發表自己對COLLAR成員的點評，更引來了不少網民和應。不過，亦有其他網民認為樓主其實是Ivy So的粉絲，故只力讚Ivy So一個，而其評論亦顯偏頗。

網民狠評COLLAR成員1：Ivy So

樓主指：「而家根本得Ivy So一個吸到人氣，就算佢唱歌唔得，而家都可以拍下戲、綜藝或者做花瓶。其餘某幾個根本適合單飛，仲有幾個根本冇用」

網民狠評COLLAR成員2：Winka

樓主更說：「孖潤腸Winka 都叫做唱到歌，但係喺團入面根本就比其他人搶晒風頭，咁索性單飛算啦」

網民狠評COLLAR成員3：Day

樓主更對Day狠下評論：「豬頭Day我到而家都唔知佢有咩吸引力，但佢都叫做吸引到多數廣告商用佢」

網民狠評COLLAR成員4：Marf

他對Marf 亦有所建議：「Marf假假地都係冠軍表現穩定但喺團入面唔突岀」，他又建議Marf單飛。

網民狠評COLLAR成員5：Candy

樓主認為Candy無個人特色：「Candy四方面靚又唔靚，跳唱又唔得。一味就係靠Canvy（Candy＋Ivy）依個組合吸fans，簡單啲呀，冇Ivy根本佢就冇用」

網民狠評COLLAR成員6：SoChing

他也對SoChing實力有懷疑：「SoChing係慘，但好老實，我覺得佢根本就冇特別出眾嘅一項技能，唔係呀Mo 件事真係留意唔到佢」

網民狠評COLLAR成員7&8：Sumling & Gao

樓主最後提到其餘兩位成員指：「其餘兩個大媽唔講啦，一個真實大媽，一個個樣似大媽」