貽興︰
剛看到你對讀者嘅回答，不得不讚你不但見解一針見血，而人又生得有型有格，給你一個讚！講得較多，希望你也會耐心的看完，感激不盡！
我快26 歲了，拍過4 次拖，我想你分析下我過去嘅戀愛，其實我嘅問題係喺邊？我的初戀跟第二任係男仔來的，之後兩位係女孩來的（俗稱TB），點解會中途走向第二條路，要講番1st、2nd 任ex。
16 歲時，初戀嘅男孩阿V，大3年，一直以來他給我感覺就係專一好男仔，人亦長得不錯，就算佢有人追，佢都會如實報告。一齊3年，他家人都當我是自己人，我亦認真對待，最後因為我屋企問題要先出社會打工，佢繼續讀書，生活不同了，我也疏忽了他，他甚至誤會了我跟打工嘅男同事有嘢，後來他學校一個女仔積極的追他，最後，他哭著跟我說分手，一星期後也同那個女仔一齊了，這段初戀亦從此完結了。
21 歲，第二任阿F，大我9 年，網上認識的，為時半年。當初好快一齊了，是因為有感覺，佢又識氹人。但一齊無耐發現佢個人行蹤飄忽，吊兒郎當，好快我向他提出分手，怎知道分手後1個月，發現有了他的BB，晴天霹靂，再找他商量，他不單沒有好好安慰，更用言語傷害我。
我考慮到BB 的將來要有這樣的爸爸，唯有忍痛放棄了。那件事後，對我來說係一個好沉痛嘅經歷，不知是我自己諗歪定係點，F令我覺得男人都是好色、花心、不太負責任。為了忘記此事同訓練自己更獨立，我隻身一人去了外地遊學了一年。
21-24 歲，第3 任阿C，大我8 年，遊學嘅過程認識的。佢好識照顧人，而當時我心情還在十分低落，好在有她不停的安慰、關心，令我走出了跟F嘅回憶。
外地嘅生活好無憂無慮，我地亙（互）相關心、照顧、愛對方。1年後，我們一起回到香港，她應承給我倆一個家，我們租了個地方，建立了自己的一個家。她好能幹，幾乎所有開支都係佢一人負責，亦帶我去過好多地方旅行。
可能外地係一個太自由嘅地方，回到香港就好似回到現實咁。在香港，我們活得好有壓力，因為同性戀還未太受大眾接受。我們愛對方，但現實還是不知不覺間把純真嘅愛情摧毀了，如財政、工作問題。後來她在工作上遇到較多挫折，心灰意冷，佢亦認為我不夠成熟，幫佢唔到，而我只是22-23 歲嘅女孩，她工作上的事真係未太了解，我亦好無奈。慢慢，大家發現大家都開始變了。
有天，她手機傳了個新短訊來，發現原來佢同佢公司同事曖昧。我問︰「你係咪鍾意第二個？」佢沒有回答，只是攬住我哭了好久。我知我們還是愛過，但已經變了。
我回自己家冷靜，或者那個同事比我更懂得照顧、開解，令她開心。幾日後，我決定回去搬嘢走，好好分手。上到去，她已給她同事搬了東西去了我們的家，東西還是一雙一對的。之後，我用了2 星期慢慢接受到這個現實。
呢兩星期每日逼自己忙工作，一想起就躲在洗手間哭，哭完又再若無其事地工作。我們的共同朋友都想像唔到C 會處理到咁，因為大家都認為她是一個重感情、專一嘅人，最後，時間慢慢地讓佢過去了。
24-25 歲，第4 任阿N，大我6 年，朋友間認識，一齊1 年。自C 後，我亦暫停1 年沒有拍拖，去冷靜、反省一下過去的問題。人見到鬼，有啲怕黑，對愛情更失去安全感。N 她追我2 個月一齊了，開始前我亦講過，我還未太走出同阿C 嘅陰影；開始後，佢好快帶我見晒佢啲朋友，好認真，反而我在開初並不是太鍾意她，只係一時間嘅感動，但覺得她是個好人、又專一、聰明，或者了解多啲會更鍾意她。
之後，因為屋企嘅事，我要搬出去住。佢俾我搬埋一齊住，我好多謝佢。同居唔知係咪真係令愛情加速死亡？我地日見夜見，大家缺點睇到晒。我有時大頭蝦、自尊心重，佢又極度完美主義、自我、挑剔。佢朋友好多，我亦經過阿C 嘅事，一直怪自己係咪自己無睇實佢，過份信任佢，導致人地乘虛而入，所以佢同朋友出街，我總會好不安，不自覺令佢頓感失去自由。
後來發現大家性格不合，分分合合了幾次。第一次係我提出，因為佢嘅過份挑剔，那次我無法忍受，後來佢嘅好言相向再走回一齊。上個月到佢提出分手，原因係性格不合，這個我好理解，但後來發現，原來佢ex 從大陸回來，對佢還有感覺，想追回她。我知道後，當然頭也不回的離開了這段關係。
之後，約咗班知己飲野，佢地好了解我過去的戀愛史。我問佢地︰「我發生咩問題？我唔明，過去幾乎每段都係有第三者加入，係咪我好有問題？我係一個認真嘅人，但唔通一認真，我就註定輸？我一對佢好，付出多，他們就鬆懈，唔珍惜？」
大家認為，我過去只係唔好彩，佢地只答我︰「你太細個，無安全感，牢得她太緊，無自由，令佢更想走。」佢地話︰「我條件不錯，但點解拍親拖都變輸家？」另一朋友問︰「同女仔一齊唔係玩玩下咋咩？」我答︰「我想我是雙性戀，男女都好，每個都係認真鍾意過，每個都好專一對待，其他人諗都無諗過。」我概歎︰「人有時變得快得難於適應。」佢地叫我當係一個訓練，要我開竅。
而朋友親戚間開始介紹對象，問我幾時結婚。我想，我在之後嘅人生，決定與男人還是女人一齊嘅局面迷失了。我生長在傳統的大家庭，我想，最後還是要找個男人結婚。女仔給我嘅感覺係貼心,細心，而男仔給我嘅感覺係可保護別人，可建立一個正常的家庭，問題係，我對男仔一直有偏見，我身邊認識嘅好多都係結咗婚，又蠢蠢欲動想搵速食，式花心嘅男人，我想改變對男人嘅偏見，但似乎好男人也愈來愈少。
另外，我對感情嘅處理好像不夠好，一開始在優勢位置，到最後卻淪為輸家。我外型雖然好鬼女仔，但我性格幾男仔頭，爽朗、家中的大女，亦好少好嬌滴滴嘅語調，我又鍾意照顧人。男仔不是只鍾意嬌柔的女仔嗎？我唔想去改變自己呢個性格去迎合男人。
貽興，我應該點算好？下一段感情應該點自處？"
男女、女女間嘅愛，我應該怎去選擇？感激不盡！希望你拯救一下我呢隻迷途的小羊。
迷途的小羊
迷途的小羊：
可能好多網友看到你的信這麼長已經放棄再看下去，但沒關係，我知道只要身為當事人的你一定會看完便足夠了。
迷途的小羊，我想你應該聽過那個老掉牙的半杯水心理測驗吧？擱在你眼前的半杯水，你可以哀嘆它只剩下半杯，但同時也可以慶幸它至少還有半杯。
你的情況便是如此。你可以心灰意懶覺得自己試過男人又試過女人，但兩者都不能給你幸福，接下來還能有什麼期待呢，但為什麼你不能改變一下想法？當你睜開眼睛，看見滿街男女，都可以很興奮很期待的跟自己說：「哇！眼前不管男還是女都可能成為我下一個戀人！我比其他人的選擇和可能性多了整整一倍！」
男人只能選擇女人，女人只能選擇男人，大家都在局限的選擇裡選擇，但你，比別人擁有更多選擇啊！
這樣想，不是愉快多了嗎？
之前的失敗，只是為了將來成功的鋪墊。之前不行，不是性別的問題，不過是性格的問題。性格不對，人不對，哪管你什麼性別，都不可能對，不過是這麼簡單，別太鑽牛角尖了。
像我們這些心口有個勇字，努力追求愛的死小孩，自然會跌個滿身傷痕。度日月穿山水，一路走來，誰不是有過幾個把自己傷到谷底的戀人？誰又幸運得可以一初戀便幸福到老？那些青梅竹馬便結婚的，後來童話般的開始最後也不是不甘心一輩子只跟一個人一起而背叛出軌，所以，根本就沒什麼好羨慕的啊。
不管之前的人有沒有跟你走到最後，你都應該那些男孩女孩曾經教給你的事，讓你成熟至此。你覺得自己愛照顧人不夠女性化可能是缺點，但我作為男人倒是一直很怕那些等人侍候的公主，多麼想遇到一個喜歡照顧我的女朋友啊，我相信跟我抱著同樣想法的男生還是不少的，只是你還未遇到，資源一直錯配而己，耐心等候，總會有真正屬於你的幸福出現的。
至少，剛踏入三十三歲，已經傷痕纍纍的我，還是這樣每晚臨睡前這樣叮嚀自己的。
珍重，共勉之。
祝 修成正果
貽興
