最後一集哭成一片!《爸爸去哪兒5》正式落幕了,萌娃對彼此的印象大揭秘

話咁快,《爸爸去哪兒5》前日播出最後一集喇……真係好唔捨得呀!最後一集,各位爸爸睇返萌娃們嘅片段,個個都睇到眼濕濕,睇到小編都好感動!

經過六次嘅旅行,唔單止萌娃們成長咗好多,連爸爸們都得着好多,特別係陳小春,由第一集畀大家話對Jasper太惡,到之後學識溫柔、點樣同Jasper相處,我哋都有目共睹,所以最後一集,佢自己睇返同Jasper嘅相處片段,都忍唔住流眼淚,真係好感人!

雖然之前陳小春喺訪問中提過,Jasper或者唔會再出現喺幕前,因為唔想佢踏入娛樂圈,但相信粉絲們都同小編一樣,好多謝佢哋為我哋帶嚟咁多集嘅歡樂,只要呢班小萌娃健健康康、快快樂樂咁成長,最緊要係孝順父母,就已經足夠喇~

日前,官方仲公開咗一系列「萌娃對彼此的印象大揭秘」嘅相片,大家係咪都好好奇佢哋點諗呢?究竟嗯哼鍾意小泡芙多啲,定小山竹多啲?Max除咗姐姐之外,最鍾意同邊個小朋友玩?一齊睇下啦!

Max同Jasper一直處於待機狀態,太可愛喇~希望以後仲有機會見到呢班小萌娃聚首一堂啦~

圖片來源:爸爸去哪兒 @微博

advertisement