advertisement
有冇諗過圖書館可以同設計融合？最近，就有一個新嘅圖書館開幕，最吸睛嘅唔係裡面嘅書本，而係呢間圖書館嘅設計，一開幕，就吸引唔少人去睇，究竟有啲咩咁特別？
呢間位於天津濱海新區嘅圖書館，白色嘅設計遠睇已經十分引人注目，再行入去睇埋裡面嘅設計，一層一層嘅書架，每一層都放滿書本，漫步其中就好似行入科幻世界一樣，唔知會唔會愈行愈暈呢？
小編覺得中間個好似月球～好唯美嘅感覺！下午坐喺梯間睇書，靠日光嘅照射，又可以過一個悠閑嘅下午。
呢個設計由荷蘭鹿特丹建築設計公司 MVRDV 所操刀，363,000 平方英尺高嘅藏書架望落已經十分壯觀，成個圖書館就好似一個佈滿積雪嘅山洞一樣，值得去行一轉！
圖片：The Real Deal
