advertisement
小編每次去日本旅行，都一定好多行李，基本上到達日本嘅第一日都冇咩心情四圍走，回程時又一袋二袋咁返嚟，真係拎到手都酸埋。不過就收到消息，日本下年初將會推出「免行李旅遊」（Luggage-Free Travel）服務，直送行李去酒店，轉酒店又幫你送埋過去，十分貼心！
日本JTB旅行社與松下、雅瑪多控股等企業於日前推出嘅「免行李旅遊」，服務包括代旅客將行李送到酒店、回程時由酒店送返去機場，轉酒店時又會將行李妥當送到新酒店。要申請呢個服務，可以喺出發前，用電腦或電話預購服務，再喺抵達日本機場時，向服務櫃檯出示預購時取得嘅QR code，就可以放低行李，拎個袋仔就可以去玩，返到酒店就可以見到自己件行李，一個字，爽！
價錢方面就仲要等 官方網站 公布，但如果合理嘅話，小編都好想試下呢種服務呀！
