advertisement
每個人身邊總有一個鍾意唱歌嘅朋友，如果冇，咁果個人一定就係你自己！早排興完唱K神器，今期竟然反其道而行，出咗隻「減音咪」，可以話係耳仔長期被魔音迫害嘅人士嘅褔音！
呢款設計簡單嘅減音咪，名叫 Utaet 聲線訓練靜音咪，驟眼睇以為係細個成日整嚟玩嘅「紙杯加線傳話裝置」（個名好似好厲害），其實原理真係差唔多，一樣唔需要插電，對住話音筒唱歌就可以將音量大減 70%，連接住嘅耳機可以俾你聽返自己悅耳嘅歌聲，自己享受，費事俾人聽到咪蝕晒！
不過買之前要停一停，諗一諗，因為呢個減音咪都唔平，盛惠81 美元（約 632 港元），大家自已諗值唔值喇～
圖片來源：technabob、Twitter
