advertisement
奶茶呢一樣飲品，好多人又要驚又要飲，怕會將牙齒變黃，同一時間又抵受唔到佢香滑嘅口感，如果你都係咁諗，咁就啱喇～日本近期出咗支透明嘅奶茶，實啱你！
日本飲料品牌SUNTORY一向鍾意出品特別口味嘅飲料，近期又有新搞作，推出一款透明奶茶，對於想飲奶茶又怕牙齒變黃嘅人士嚟講，簡直係「神作」呀！唔好睇佢無顏色好似水一樣，飲品內真係含有牛奶的成分，只係採用咗特殊嘅技術萃取出奶茶嘅精華，所以帶有奶茶嘅味道。茶葉方面，就使用咗阿薩姆紅茶，飲落口清爽得嚟又充滿茶香，小編都好想飲一啖呀！
除咗透明奶茶，SUNTORY早前亦推出過「透明檸檬紅茶」、乳酸口味同水果口味嘅「風味水」，下次去日本又多樣手信選擇喇～
圖片來源：suntory、菠啾野草水
