advertisement
所謂女大十八變，估唔到「男」都一樣適用！細細個同老豆八両金一樣有個經典冬菇頭嘅八両仔，髮型嘅轉變可以話係三級跳，跟得住潮流之餘，仲好有「巨星」影子，一齊嚟睇下佢嘅髮型演變史啦～
開頭八両仔嘅髮型都尚算正常，乖乖仔look，但去到中期，唔知係咪反叛期嘅關係，八両仔嘅髮型開始發生鉅變，由短髮變成長髮，仲開始咗留蔭，遮住右邊眼，加埋成吋厚嘅妝容，好難唔聯想起一代巨星MJ，估唔到佢又扮得幾似喎～定係佢係行梗韓風路線？
今年八両仔又有新髮型，電咗一頭金色曲髮，有網民就話直情係翻版方皓玟，大家又點睇？
八両仔之前接受傳媒訪問，就話自己髮型鍾意頭髮有啲layer，所以成日轉髮型，而八両金就相當開明，唔會強迫八両仔一齊留冬菇頭，只要唔係做壞事，都會支持佢。
其實細細個冬菇頭咪幾可愛，小編建議佢剪返冬菇頭，話晒都係一個好有標誌性嘅髮型，令人過目不忘！
圖片來源：八兩金 @微博、網絡圖片