世界盃2022｜余德丞過檔ViuTV講世界盃撻Q 網民評論好壞參半 有鬧爆頂唔順訪問式講波！

四年一度的世界盃決賽周剛開鑼，備受全城關注。前無綫藝人、過往曾擔任體育記者的余德丞（Dickson），最近轉投ViuTV旗下，為今年世界盃擔任主持，惟世界盃開幕禮隨即撻Q，先是誤將主唱Ricky Martin講成Robbie Williams；隨後在開賽後講波被連環網民怒斥他：「頂唔順佢訪問式講波」，一開波就惹來熱議，看來在未來數星期，余德丞需承受很大壓力！

余德丞轉投ViuTV講波即撻Q

今年5月才離巢TVB，回復自由身後，隨即擔任電台節目客席主持、亮相Now Sports節目及經營個人影片頻道發展之外，工作接踵而來。最近更成為ViuTV世界盃擔任主持。不過，余德丞為世界盃主持可謂出師不利。日前，在開幕禮儀式上播出1998年法國世界盃《La Copa De La Vida（The Cup of Life）聖盃之光》，余德丞不慎將歌手Ricky Martin講成Robbie Williams，但相隔數分鐘已作出糾正。為開幕禮作旁述尚算「收貨」，但到揭幕戰講波時段，余德丞再被網民直斥表現差。

說的是，在揭幕戰舉行時，余德丞在講波期間多次問其他評述員「你點睇？」，卻令觀眾感到煩燥。有連登仔爆粗發文怒斥余德丞：「講波你就講啦，做訪問咩家陣，下下問人點睇，聽你講真係悶X到X咁！」事源余德丞在講波期間，多次問其他評述員「你點睇？」卻令觀眾煩厭。雖然有不少網民認為樓主太嚴苛，但發文後十多小時，帖文已有逾700正評，似乎有不少觀眾都對余德丞的表現感到不滿。

網民鬧爆：頂唔順佢訪問式講波

不少網民留言鬧爆余德丞：「聽咗廿分鐘問咗人4、5次」、「講嘢好冇氣氛，淨係識問問問。」、「頂唔順佢訪問式講波。」也有人表示他語速太急：「練係有練過，但唔夾now班評述員，講嘢好急好用力。」不過在負面聲中都有人為他抱不平：「公道啲講，香港講波風氣係咁，英文旁述真係講場波，畫面影乜就講乜。」、「主要係場波悶，啲人你又唔識，所以留意個旁述」。世界盃賽事只係剛剛開始，相信余德丞汲取了經驗，正如已故資深體育主播伍晃榮所謂：「波係圓嘅」，在未來場次看他的表現。