「山竹」點解叫「山竹」？原來颱風命名有段故！

每次打風，唔知大家會唔會都有一個迷思，究竟颱風啲名係點嚟？唔通每次打到嚟，先即時為佢哋命名？決定人又係邊個？即刻話俾大家知點嚟啦！

其實以前冇一套統一嘅命名規則。喺超過半個世紀之前，美國軍方嘅天氣預報員曾為西北太平洋的熱帶氣旋命，名字以男女英文名字交替應用，例如羅拉（Lola）、白蘭黛（Brenda）、安迪（Andy）、賴恩（Ryan）等。

之後喺2000年起，世界氣象組織下屬嘅颱風委員會，決定對西北太平洋、南海地區嘅熱帶氣旋採用統一命名法。而名字就由世界氣象組織的颱風委員會嘅會員提供，14個國家或地區各自提供10個，組成共140個名字嘅名單。而日本氣象廳嘅東京颱風中心，就負責為區內達到熱帶風暴強度嘅熱帶氣旋按名單加上名字，颱風嘅名字就咁就誕生咗喇！

當中，我哋香港都提供咗10個具有本地特色嘅名字：

今次吹正香港呢個超強颱風，就啱啱排到「山竹」呢個名字，原來呢個名字都有段故～以往有唔少案例，因為該熱帶氣旋造成重大人命傷亡同經濟損失，其名字由受影響嘅國家或地區建議停用，根據颱風委員會慣例，會根據情況採納意見。 例如喺2006年11月橫過菲律賓中部嘅颱風「榴槤」，暴雨引起廣泛地區山泥傾瀉，超過570人喪生，746 人失蹤。之後，「榴槤」呢個名字永久停用，被新名字「山竹」所取代，亦即係今次呢個超強颱風喇！