advertisement

 

講起時裝,相信大家平時都係online shopping、光顧歐美連鎖時裝品牌、或日韓時裝店居多,有多少人會第一時間諗起本土嘅時裝品牌呢?編輯今次就選了兩個Made in HK的本土時裝品牌,透過呢個平台,俾大家認識下佢地!

 

OOKONN

 

市面上的行李箱選擇多多,不過圓形嘅喼,編輯真係第一次見!OOKONN的創辦人Anson話,Fashion界好多姿多彩,唯獨Travel呢個類別就比較沉悶!時尚達人著到彩雀咁現身機場,但手持的行李箱卻撞到七彩,靈機一觸,不如設計一款玩味感重又有得DIY嘅喼喇!

 

 

呢款圓型喼除了夠吸睛,實用程度也出乎意料的高,行李箱僅重 6.4 磅,但容量達 30 公升,尺寸完全符合各大航空公司機艙頂儲物櫃的標準!箱內更早有各式各樣印上玩味字句的存衣袋,方便大家執行李時分門別類,超級體貼!想再獨一無二D,OOKONN有提供刻字服務,在喼上印上自訂彩帶和字母!機場打扮想突圍而出,呢個喼絕對係心水之選!

 

 

ESEMBLE

 

外型極似歐美高級牌子的出品,ESEMBLE的真皮手袋給人簡潔樸實,但充滿設計細節的感覺。袋蓋有標誌性的V形金屬釦飾,充滿復古的味道;翻開袋蓋,你發現袋中藏有燙金勵志語句,鼓勵女生欣賞身邊一切美好的事物!

 

 

除了classic的黑金配色,還有薄荷綠、粉藍和粉紅色,百搭易襯,不少名人都愛用!