advertisement
全城熱討嘅網劇《反黑》，本於22號凌晨上載大結局，但21號晚11點劇組於FACEBOOK官網宣布大結局改為當晚8點播出，但播出後24小時即係23號晚上8點，將會全線喺YOUTUBE下架，連內地官網都顯示無呢個頁面，引起唔少網民嘅不滿，特別係未追晒嘅網民～
不過，劇組都要食飯，耗資6000萬成本拍攝劇集，雖然一開始網上免費開放全球收看，但只靠YOUTUBE點擊分紅根本無法回本，所以先要暫別大家，小編大家計過，30集每集大約一小時，如果唔食飯唔去廁所，追到第23集嘅朋友應該仲有可能睇得完嘅……
講完個咁震撼嘅消息，不如講下近期唔少男網友心目中嘅清純女神「小羽」啦～好多人只係知道佢喺劇中飾演陳小春嘅女朋友，但幾多人知佢「真正嘅身份」？
原來呢位90後嘅年輕女演員叫陳雅婷，本來係一位平面模特，喺模特圈打混咗幾年後，被導演發掘演出古裝電視劇《陸小鳳與花滿樓》，從此就加入咗影視圈。今次嘅劇集，係佢第一次同香港團隊合作，本來唔識廣東話，只係用咗短短十五天，就可以用廣東話溝通，相信當中一定付出咗唔少努力，抵網民個個對佢好評如潮！
講到平時嘅衣着打扮，呢位女神日常生活中都一樣着得好樸素，坦言喜歡簡單的風格，T裇、牛仔褲、夏天會着拖鞋，一齊睇下佢私底下嘅衣着啦。
不過如果真係鍾意呢套劇，無論係為咗睇女主角，定陳小春，將來就算要付費重溫，或者要買DVD，其實都抵嘅！
圖片來源：劇集載圖、陳雅婷 @微博