advertisement


大家對model嘅印象係咪要又靚又高?但呢位泰國嘅變性model就證明俾全世界睇,只要有夢想同自信,就可以將不可能變成可能!

泰國19歲變性人Maeya自小外貌奇特,經常被同學欺凌,令佢十分自卑,童年充滿不快嘅回憶。雖然自知外貌唔出眾,但佢心入面嘅夢想就係做model!


佢姐姐同樣外貌奇特,但後來成功做咗搞笑藝人,啟發Maeya都踏上諧星之路。但係佢冇忘記自己嘅夢想,所以進一步參加選美比賽,仲身兼演員及歌手,嘗試model工作。

憑著獨特嘅外表同自信,佢喺泰國終於小有名氣。即使有好多人抨擊佢嘅外表,認為佢冇資格做model,但係佢唔想放棄自己嘅夢想,所以調節自己心態,勇於面對負面評論。

Maeya為咗達成做model嘅夢想,無所不用其極,佢甚至計劃整容,邁向國際舞台。佢勉勵所有人:「我哋唔可以選擇出生,但我哋可以選擇成為一個點樣嘅人,只有付出行動,夢想才會實現。」

圖片來源:網上圖片