全球最靚仔數學教授抵港 爆肌outfit現身機場

早前網絡上瘋傳一張最球全靚仔大學數學教授的圖片，女網友們見到後都紛紛表現得非常好學，話好想教授捉住佢地隻手仔教數學喎～機會來啦飛雲！呢位紅透網絡嘅學術界男神尋日已經抵港，準備係5月10日今個星期三出席一間概念餐廳嘅揭幕禮，立即睇睇佢嘅真身先！

Pietro Boselli於尋日下午現身機場，身穿品牌嘅Sharp醒黃色，露出親切微容，堅壯嘅手臂就快逼爆衫袖，仲有隔住件衫都feel到嘅44吋胸肌，呢套機場outfit嘅時尚感不輸明星喔！未岀閘已被多位市民拉住合照～

擁有精致5官嘅Pietro Boselli身兼工程師、模特兒與私人健身教練多職，年僅6歲就被GIORGIO ARMANI睇中，拍攝品牌童裝廣告。有樣又有內涵，話佢係最接近神嘅男人，相信無人會反對啦～

雖然Pietro Boselli今次一出機場就身穿印有「大家樂」logo嘅黃tee，擺明就係賣廣告架啦，不過睇番近呢兩季，又真係好流行呢類嘅logo tee喎，睇下VETEMENTS DHL件黃Tee就知啦～