「TVB御用阿媽」盧宛茵自爆遭後輩教演戲！怒插年輕演員：乜都唔識仲要教人喎！

今年70歲的盧宛茵有「TVB御用阿媽」之稱，日前與好友吳浣儀罕有地一起接受幕後人楊紹鴻YouTube頻道的《小鴻吹水站》的訪問，3人在節目談了不少有關電視圈的秘聞，其中盧宛茵更大爆曾經有後輩教自己演戲！又表示不少年輕演員都未紅先驕。對此，也有大批網民對於盧宛茵的爆料給予評論！

盧宛茵吳浣儀分享電視圈秘談

在YouTube頻道《小鴻吹水站》中，盧宛茵和吳浣儀認為現時電視圈青黃不接，盧宛茵更表示以前有「戲劇大師」鍾景輝教演戲，獲益良多，但現在部分有份拍劇的藝人不是演員出身，她對此發表了意見：「『好聲音』唱吓歌又話『得喇，出嚟拍啦』，賣吓廣告又話拍得！」

之後，盧宛茵更自爆曾遭後輩教她演戲：「你已經乜都唔識一舊雲就走嚟做（演），佢仲要教人喎，哇！試過有人叫我『呢句對白應該咁樣講喎』，我望吓佢，我又唔答，我照我自己方法演繹！使乜理佢呀。」

另外，吳浣儀指現時一班年輕演員經常有大班工作人員陪出陪入，盧宛茵附和：「我哋嗰陣拍《季節》碧姐（鄧碧雲）咪都係一個人返嚟，唔通帶6、7個人啊？傻嘅。我出外景見到都作嘔啊，一個擔傘、一個遞茶、一個撥扇，哇大佬宜家乜事啊。我覺得此風不可長，我哋以前邊有咁。（吳浣儀：發哥都唔會啦）咪就係！」

在訪問尾聲，吳浣儀亦有為其他後輩演員講好說話，指自己在大台以外遇到的年輕演員都很有禮貌，不會黑面，亦非常願意學習。

而主持人楊紹鴻分析，因大台以外的演員可能仍需要拼搏、沒有人「包庇」自己，所以會學懂尊重前輩。盧宛茵聽畢指：「哦，明白明白。即係『你理得我做得好唔好啫，我下一套又係豬腳（主角）」。

此訪問一出，大批網民於討論區發表意見，有網民認為盧宛茵「成陣老屎忽味」，又指她「咁佢又好好演技咩？咪又係死做爛做出嚟，而家放到自己咁高」；但是，大部分網民都對盧宛茵的演技表示認可：「但佢真係好好戲」、「佢做公屋私樓潮文簡直屈機」、「佢做尖酸刻薄奶奶真係好入型入格」。

另外也有網民分析為什麼現時的年輕演員如此意氣風發：「今時今日做得TVB都係有家底先做，窮X點靠份糧開飯，發明星夢要俾錢，咁一堆少爺小姐脾氣喺度，咁仲想點」。