【MIRROR演唱會】姜濤大唱經典歌：有責任將廣東歌唱好 Anson Lo自彈自唱冧粉絲 AK勁歌熱舞打頭陣

MIRROR六子姜濤（Keung To）、盧瀚霆（Anson Lo）、陳卓賢（Ian）、呂爵安（Edan）、柳應廷（Jer）以及江𤒹生（AK）一連兩場的網上行夢想系MOOV LIVE《Music On The Road》演唱會昨日（7日）於會展正式首場開鑼，六子狀態大勇，冧爆台下粉絲！

姜濤大唱新歌、經典歌

姜濤第九胎新歌《鏡中鏡》昨日面世，姜濤就在演唱會率先送上未曝光的新歌舞台，引來粉絲一陣尖叫！

姜濤更唱出多首致敬樂壇前輩的歌曲包括《浪子心聲》、《分分鐘需要你》《等》、《追》和《夕陽之歌》，姜濤在演唱會上表示演唱經典歌是想致敬香港經典歌手：「頭先啲歌係未入行之前係完全唔鍾意，因為我覺得好普通，但當入咗呢一行之後，我覺得我有份責任去將廣東歌帶出去！」表示有責任要唱好廣東歌。

Anson Lo就化身白色鋼琴王子，在台上自彈自唱《不可愛教主》，盡顯音樂才華，冧爆在場粉絲！更跳唱《Megahit》，全場鏡粉一齊「Uh-oh uh-oh」，大騷活潑可愛一面！

演唱會由江𤒹生AK勁歌熱舞打頭陣，連唱兩首搖滾歌曲《黑之呼吸》和《離開地球表面》，全場鏡粉High爆尖叫聲四起。Lokman還驚喜現身與AK合唱《虎道門》，氣氛勁高漲！