男神中學係咩樣？Edan自嘲MK安！Jeffrey中學已經係靚仔

MIRROR成員呂爵安（Edan）是萬千少女心中的男神，原來他讀中學時已迷倒不少女同學及師妹。日前他在IG公開自己的中學舊相「黑歷史」自稱「MK安」，仲話自己當年係一個風頭躉，不少女學生爭相與他合照。而魏浚笙Jeffrey，雖然細個係肥仔一名，但去到中學時代已經係靚仔，顏值極高，而家大個仲愈來愈靚仔，深得女觀眾歡心。

Jeffrey中學已有高顏值

不過，原來Jeffrey細個同姜濤一樣係肥仔，仲曾在IG發文：「好好珍惜你們身邊的胖子！」見到Jeffrey而家咁靚仔，證明每個胖子都是潛力股！

呂爵安Edan曬中學MK相 自稱男神安

Edan在IG留言自稱在中學已是一個風頭躉，相當受同學歡迎，稱號多不勝數，包括男神安、小紅帽(資深爵屎應該明白這個名字的由來|)、爵爺、QQ On(自稱)，洗讚小安安(亂up)等等。每逢學校活動，都有大量師妹找他合照。Edan仲話：「中學生涯絕對係人生中其中一段最開心嘅時光，成日都好想讀多次中學，好想試一次唔係成日打機唔係日日喺到hea嘅中學生活，所以如果你仲讀緊中學，記得好好珍惜啦。」

不少網民回應：「當年做你同學/師妹嘅話😵‍💫肯定日日撲起身返學」、「好想做mk安師妹」、「咁多人搵你影相、知你威威啦」、「下次睇小學安吖」、「雖然好mk但都好靚仔」。看來大家都被這個中學MK安迷倒，不知Edan下次會不會分享小學安的黑歷史呢？

Edan就讀可風中學 自小已文武雙全

Edan就讀可風中學（嗇色園主辦），自細已有藝術天份，從小學習鋼琴和小提琴，更考獲鋼琴8級成績。中學讀書成績不錯，同樣是學校的活躍份子，曾參加過校內歌唱比賽自彈自唱奪得冠軍，中三時他亦參加過才藝比賽獲得「最佳演員獎」，陸運會也曾奪過獎牌，他更是跆拳道黑帶，可見他文武雙全。

當年Edan為應付DSE十分勤力，連續3個月每天在自修室溫習，最終考獲最佳五科25分的成績，在報JUPAS選科時，由於口才及演講方面較了得，他原本想報讀商科或社工，不過他的老師認為IT行業為未來大趨勢，故此他聽老師意見，於JUPAS首選了港大的工商管理學學士（資訊系統）。