2023香港小姐｜爆莊子璇被杯葛告密者身份曝光？ 監製力撐疑似整容佳麗：無證據證明佢有整容

《2023香港小姐競選》進行得如火如荼，決賽將於今個星期日舉行，一眾候選佳麗亦在決賽前馬不停蹄出席不同活動。不過，16位佳麗亦有不少是非。早前傳出潘明璇被舊愛爆整容黑歷史和大熱佳麗莊子璇被其他佳麗杯葛，今日更傳出一位佳麗是告密者？

莊子璇杯葛論告密者曝光？

早有傳言指大熱莊子璇不受其他佳麗歡迎，而原因是她自從成為大熱門之後，便開始目中無人，被批勢利和「雙面人」；更被爆喜歡跟工作人員混熟方便得到好處，不時會向工作人員獻殷勤及「賣口乖」，所以引起其他佳麗反感。而莊子璇亦因被其他佳麗群起杯葛，令她一度壓力爆煲，導致手部皮膚出紅疹，需要入醫院治理。

日前有報道指爆料人是候選佳麗之一的13號陳曉彤，作為從加拿大回流返港的佳麗，曾經選過溫哥華華裔小姐，雖在才藝表演中以鋼琴彈奏獲得讚賞，但整體來說是次參選一直未有太高曝光率。而報道又傳陳曉彤自己也經常借抽煙之名接近髮型師們換取特別待遇。

雖然被傳不和，但莊子璇和陳曉彤接受媒體訪問時卻指雙方關係不俗，陳曉彤稱會跟莊子璇互訴心聲：「我哋係同組，企前後位，所以會一齊記舞步。」又指不會視對方為假想敵：「會視為學習對象，Hilary對答好自然，跳舞記得好快。」

網民熱議佳麗「不和論」

不和論引起了廣泛討論，有網民認為：「其他對手唔鍾意又有乜所謂，麥明詩咪又係照拎冠軍，老實講，對工作人員、幕後交下戲都算唔錯，唔通閪口閪面對人咩；以前啲娛媒話過選港姐都會計平時分，依家應該家底加平時分」、「爆料嗰個方唔係唔抵得條女咁出位」。

潘明璇回應「整容論」

另一方面，9號佳麗潘明璇多次被質疑整容，近日更被前男友爆出「整形前」舊照，同時指控她出軌，對此，潘明璇否認傳聞：「我細個好肥，最鍾意食Pizza，搞到大家叫我『Pizza姐』。減肥、美容同化妝都可以令樣貌轉變，至於鼻貼紗布嗰張相，係我踩單車發生意外受傷，依家大家會見到鼻樑有駝峰。如果我整容，點解唔整走塊Pizza面？」

高層力撐潘明璇

而潘明璇也得到港姐統籌經理何小慧力撐！何小慧稱：「咁人哋話佢所謂嘅整容，咁其實而家真係有好多微調我哋係唔知，咁起碼要望落去正正常常囉。同埋佢都進入咗最後階段，我哋點都要保護佢。」之後又被問到潘明璇由扁鼻樑變直鼻樑，何小慧指潘明璇認為靚就可以，因為沒有證據證明她有整容。