advertisement

男子組合ERROR成員郭嘉駿(193)除了擁有自家品牌LILABOC外,更與朋友在紅磡開Tanuki Coffee,非當有賺錢頭腦,更被稱為「小企業家」。日前,193接受Do姐《口水多過浪花》訪問時,193坦言一切都是為了將來打算。

193
193接受Do姐《口水多過浪花》訪問合照

193擔心沒有工作 做生意鋪後路

做藝人收入一向不穩定,193亦自言擔心有天不再有人氣的時候沒有收入,「真係好驚會突然間冇收入,咁點維生?唔做呢行仲可以做啲咩?如果我冇錢,屋企人又點呢!」因此他除了開鋪做生意,更會投資錶、車和NFT,一切都是為未來打算。193說:「我而家做嘅嘢,都係為咗好唔穩定嘅將來打算,起碼我到時唔紅,冇人識嘅時候,我仲有自己嘅品牌、Cafe run緊,啲人唔係因為我個名而買,而係因為我個牌子而買。」

193
193自家品牌

Do姐追問,有沒有跟跟其他ERROR成員傾過將來?193笑言:「其實大家都做緊唔同嘅生意,4個都好勤力去做生意,大家都需要錢,因為大家唔係出生於富有家庭,所以大家都需要賺錢,希望可以養活自己同屋企人。」原來193也是一個非常有計劃的人,Do姐有點驚訝,並繼續追問,若然有一天名氣不再,能否受得住?193坦言:「受得住,所以做咁多嘢就係為唔穩定嘅將來作打算,如果之後唔紅又冇人識嘅時候,我都仲會有收入。」

193
193擔心有天沒收入,因此積極向多方面投資,即使有日零收入也能維生。

193自嘲短髮似王浩信

之前193為新劇《季前賽》而剪了短髮,不過Do姐就認為193呢個新髮型唔係特別好睇,「點都唔夠Anson Lo、 姜濤呢啲偶像髮型好睇,佢係一個標誌性。」雖然覺得唔好睇,但相比起長髮的193,Do姐認為短髮先夠醒神。193就笑言:「我而家有少少似你哋個台嘅藝員、小生,一定唔染髮,唔留鬚,我嗰日照一照鏡,覺得自己好似王浩信。」

193
193自嘲鏟青look似王浩信

EROOR 出新歌 大爆年尾有新節目

193
193新歌MV《再次Puppy Love》

ERROR成員於2022年開始出返嚟,193亦有新歌《再次Puppy Love》推出,為拍MV更出錢出力。193坦言係心急想出MV,所以不惜自資都要出,之後有budget就可以出多首歌。另外,ERROR今年第一首團歌《愛情值日生》亦於上周推出。另外,193透露ViuTV暫定年尾有ERROR的綜藝節目,各位ERROR粉絲敬請期待了!

 

193
ERROR今年第一首團歌《愛情值日生》現已上架!

立即欣賞193《再次Puppy Love》MV

ERROR《愛情值日生》MV