阿儀力撐黃榕粗口數臭經理人 寶玉7字回應事件 ！「最索經理人」亦曾選過亞姐？

曾被指是亞視一姐的薛影儀（阿儀）人氣旺盛，一直受到網民追捧。不過，近日阿儀疑因跟好友黃榕私自出席活動而得罪公司被雪藏。日前，阿儀竟親自在社交網站回應「黃榕帶壞她」一說，同時指其經理人林寶玉「性格，脾氣，行為唔好」！此番言論，令不少網民重新起底「最索經理人」寶玉，發現她亦曾選亞姐？

阿儀回應雪藏事件 

阿儀近年與黃榕成為好友，兩人經常周圍玩樂，不過早前有消息指阿儀被損友帶壞，荒廢事業，又在應該收錢的商業活動中做義工；經理人寶玉事後指公司對阿儀多次勸喻，阿儀表現未如理想，令公司失望。

怎料，阿儀日前突發在社交平台發長文為好友黃榕平反：「我都已經講左好多次，我冇誤交損友，黃榕係冇帶壞我，同埋冇利用我，佢係好好人，佢有時有活動會通知我哋，有免費嘢會搵我，佢對其他人都好好，有時就下我哋，有嘢預埋我哋」。

阿儀又形容黃榕心地善良，是自己最好的朋友。另一方面，阿儀卻指「其實之前寶玉佢嬲咗我，因為我之前講佢壞話，又講佢是非，我話寶玉佢性格，脾氣，行為唔好，我又爆佢前年推蛋糕黑社會又係佢帶我去，話比高層知，所以佢就嬲咗我」。

網民回覆阿儀發言 

阿儀更在留言當中回覆網民，以髒話罵經理人寶玉：「呢種人好能仆X」。不過，大部分網民都認為阿儀能有今時今日的人氣，寶玉這個經理人功不可沒。網民紛紛指：「公開爆林寶玉大鑊，佢真X街啦」，「你爆寶玉推你去黑社會party?」、「無寶玉你有今日？番去做侍應啦你」。

亦有網民十分用心地以長文回應分析：「其實成件事好簡單，兩邊心腸都唔方好得去邊：atv/林寶玉就擺明捧佢做諧星做小丑，又俾佢好彩食到條水，咪順勢推佢出嚟做一姐。而個榕姨嗰堆就見人有名氣，又onon99咁就係咁黐住人，一來以為自己拍落去個個就變天仙咁靚做對比，二來呃人做免費宣傳做阿四，表面就扮到好似益朋友去飲飲食食玩咁」。

寶玉回應阿儀發文 

阿儀昨日更在留言中回覆網民用髒話罵經理人林寶玉：「呢種人好能仆X」。不過網民並不買帳，認為阿儀能有今時今日的人氣，林寶玉這個經理人「冇功都有勞」，阿儀如此做法實在不應該。而寶玉在接受媒體訪問時表示：「阿儀開心就得啦，臨近節日，希望大家都開開心心，團團圓圓」。

寶玉亦曾選亞姐 

事實上，寶玉被形容為「最索經理人」，她跟阿儀一樣亦曾選過亞姐，並獲「網絡人氣獎」。在做經理人前，她多次在TVB的劇集中客串，例如《智能愛人》，《愛·回家之開心速遞》以及《金宵大廈》等等，都能夠看見寶玉身影出現。之後被賞轉做經理人，她對阿儀的星途落足心機，不時帶阿儀出席活動，又與對方一同出演廣告。

寶玉又曾幫阿儀處理官司，更指：「我對佢百份百付出」。不少網民都認為不是「有免費嘢，搵你出去玩」就是好人，反而應珍惜捧紅自己的寶玉。