金手指專訪｜當白只、陳家樂、岑珈其遇上梁朝偉 緊張頻「食螺絲」！影帝1招暖場融化全員、白只阿Sa「賣肉」演出惹公憤？

近期大熱電影《金手指》，莊文強執導，由梁朝偉及劉德華2大影帝人馬主演，與白只、陳家樂和岑珈其等多位新世代演員演出，難怪中港上映7天票房已衝破2.5億元，氣勢如虹！劇情主線落在「超級大老千」梁朝偉身上，與白只等人有連場對戲，他們回想當時心情緊張、頻「食螺絲」，幸得梁朝偉主動破冰緩和氣氛；不過在訪問當天3位演員直言：「仲係好緊張」，面容僵硬，陳家樂1個舉動令全場爆笑；原來梁朝偉也被1場戲考起、白只與阿Sa蔡卓妍「賣肉」演出怕惹公憤？

白只、陳家樂、岑珈其 緊張到「硬晒軚」！

電影《金手指》集合了梁朝偉、劉德華2大影帝參演，機會實在難得！今次有機會與梁朝偉有大量對手戲的白只、陳家樂都表示既興奮又緊張，岑珈其更直言：「我覺得自己似中六合彩」。到底3位「後輩」有幾緊張？編輯親眼目睹他們在訪問中全程「硬晒軚」，卻與面帶微笑、從容自若的梁朝偉，相映成趣。岑珈其曾在訪問中提及想跟「偶像」合照，惟未有機會；於是，編輯在今次訪問中給他機會：「會唔會趁機來個selfie」？但他竟然怕羞，指「能夠親身同偶像共事拍戲，哪怕只係做訪問，經已心滿意足，唔敢奢求影合照」。

至於白只表示自己仍然很緊張，梁朝偉錯愕：「嘩⋯ 唔係嗎！？」白只續說：「今朝做完訪問，休息時回想返點解要咁啫？點解浪費咗個（與梁朝偉）做朋友嘅機會呢？」而陳家樂用坐姿做最好的證明，與身旁的梁朝偉坐得離行離列，「睇我同梁生仲有一段距離⋯⋯」令全場爆笑！白只秒回：「形容得好好」，似是相當認同！

問到見憤大場面的前輩梁朝偉，在拍攝前主動與演員溝通。「我盡量喺拍攝前同其他演員傾偈，緩和吓氣氛，令大家輕鬆啲、冇咁緊張。因為我自己都曾經做過新人，盡可能都令大家輕鬆啲」，令3位後輩都感受到這位前輩的細心。

最難忘的一場戲？

梁朝偉在戲中飾演超級大老千一角，經常浮誇大笑、大聲說話，問到演出時跟過往有甚麼不同？他有很深的感受，「我刻意希望喺戲中帶出高能量效果，令整體氣氛能量高啲，所以經常拍攝完都會好疲累」。梁朝偉亦分享了最難忘爆金粉、大笑的一幕，呢場戲講緊我同好多大銀行家借錢，笑到口都緊晒，仲笑咗多次」。

 梁朝偉表示，最難忘是爆金粉、大笑的一幕。（圖片來源：《金手指》劇照）

誰是投資高手？

4位演員在戲裏是投資高手，但在現實中卻有很大反差。梁朝偉表示自己完全不懂投資，「我花上大部分時間在演戲上，除咗研究做戲，就係去玩，加上我唔鍾意賭錢，我好怕輸，但我也不想贏。」至於其餘3位都不揞投資，白只更表示自己自從拍了這齣戲，更覺股票世界很大，入面有好多「大人」在玩遊戲，更加不敢買股票投資。

如何準備親密戲？ 

除了面對大前輩，白只面對床戲的事前準備，也會口窒窒！「事前有冇特別準備？我…… 唔…… 你考起咗我」，即使有岑珈其和陳家樂護航都沒用，氣氛搞笑！他表示，「任聰呢個角色佢對阿Sa呢個角色有種迷戀，所以我演繹時就冇咩兀突。」不過他特別一提，希望觀眾不會看得不舒服。