- entertainment
- by Say八婆
- 2024-01-15
TVB《萬千星輝頒獎典禮2023》在澳門舉行，共頒發25個獎項，包括17個香港獎項、4個粵港澳大灣區獎項及4個馬來西亞獎項。頒獎禮完美落幕，以下 6 個亮點成為熱話，當中佘詩曼飾演Man姐的《新聞女王》更成為全晚最大焦點：
萬千星輝頒獎禮2023 亮點 (一) 佘詩曼憑《新聞女王》奪三地視后成歷屆最大贏家
昨晚頒獎禮，佘詩曼破紀錄成奪女主角獎最多藝人，佘詩曼憑藉《新聞女王》獲得最佳女主角獎、大灣區最喜愛女主角獎、馬來西亞最喜愛女主角獎，成為三料視后。
回顧2006年佘詩曼初奪視后，憑《鳳凰四重奏》獲最佳女主角獎，她表示：「我真係以為，攞完頭先嗰個（我最喜愛的電視女角色），冇機會攞呢個（最佳女主角）㗎！」她又提到：「好開心，我冇令到支持我嘅人失望，冇令我屋企人、冇令我媽咪失望。我唔知呀！我頭先講晒啦啲嘢，我想暈呀，我會繼續努力，唔會令大家失望，今晚我一定會記住！」
2014年佘詩曼以大熱姿態奪獎，她上台表示：「啲人話我攞硬，但其實攞一個獎真係並唔容易，要付出好多，要好好彩，遇到好劇本、好角色，自己要好好把握。」她又特別多謝媽咪：「多謝你媽咪，有你喺我身邊鼓勵我，多謝你。多謝每一位投票俾我嘅觀眾。其實冇嘢係最好，只有更好，我會做到更好，繼續努力，多謝大家。」
事隔 10 年再次攞獎，今次佘詩曼再爆金句：「啲人話我攞硬，但其實攞一個獎真係並唔容易，要付出好多，要好好彩，遇到好劇本、好角色，自己要好好把握。我今次好好彩，遇到一個好好嘅監製…仲有一個人，我一定要多謝嘅，就係我媽咪，因為我做嘢壓力好大，成日都炆憎，但佢永遠都可以比到個好燦爛嘅笑容我，呢樣嘢係我好需要㗎，多謝你媽咪，有你喺我身邊鼓勵我，多謝你。多謝每一位投票俾我嘅觀眾。其實冇嘢係最好，只有更好，我會做到更好，繼續努力，多謝大家。」
而阿佘三次攞獎都有提到媽咪、多謝媽咪，真係好乖女！
萬千星輝頒獎禮2023 亮點 (二) 《新聞女王》一劇奪8獎
憑藉《新聞女王》人氣急升的高海寧首度拿下最佳女配角獎；最佳劇集獎也是花落《新聞女王》。最終這部劇共奪得8項大獎。包括最佳劇集、最佳女主角、最佳女配角、最佳電視歌曲、大灣區最喜愛TVB劇集、大灣區最喜愛TVB女主角，以及馬來西亞最喜愛TVB男女主角。
萬千星輝頒獎禮2023 亮點 (三) 男女主角得獎開場時早有劇透？
獎典禮開場前，有丁子朗惡搞今年播出嘅各大劇集，包括《隱形戰隊》、《一舞傾城》、《寵愛Pet Pet》等。當惡搞到《羅密歐與祝英台》時，視帝陳豪竟然驚喜登場，之後更以《破毒強人》的「文華」造型登場。佘詩曼就壓軸以「Man姐」身份登場，網民們都睇到好驚喜，而結果兩位最後就成為壓軸視帝視后得主，可算是提前劇透賽果！
萬千星輝頒獎禮2023 亮點 (四) 馬國明天然呆奪最佳衣著獎 湯洛雯獲讚旺夫
新婚的馬國明雖然失落視帝，但無損好心情，更告誡所有老公，「要對老婆好啲，你個老婆開心呢就旺夫㗎啦！」他表示：「好開心啊，今年我覺得自己真係好幸運啊，其實我不嬲都係覺得我今年就算冇獎攞，我都會覺得自己贏咗㗎啦，因為我係從來未試過，最高收視嗰三套劇我自己都有份，即係我覺得我自己真係好幸運可以遇到三個咁好嘅團隊，三個劇拍出嚟都咁好睇，咁觀眾都咁鍾意，所以我覺得今年係好幸運。」
萬千星輝頒獎禮2023 亮點 (五) 劉佩玥未獲獎出鏡率拍得住Man姐？
除了《新聞女王》之外，昨晚多位得獎者均為《隱形戰隊》的演員，包括「飛躍進步女藝員」的劉穎鏇和「最佳男配角」的林子善，都算另類大贏家！《隱形戰隊》女主角劉佩玥雖然無緣得獎，但每當同劇好友獲獎時，阿Moon都表現得非常興奮，每次都起身上前送上祝賀，出鏡率可謂是Man姐佘詩曼以外全場之冠！
萬千星輝頒獎禮2023 亮點 (六) 炎明熹衣著炒車
頒獎典禮炎明熹換上另一打扮，並以歌手身份連奪 2 獎，分別是她主唱的《新聞女王》主題曲《Crystal Clear》，以及 25 歲以下才有資格競逐的最具潛質新人獎最後五強（不分名次），算是滿載而歸。
萬千星輝頒獎典禮2023 得獎名單
最佳劇集：《新聞女王》
最佳女主角：佘詩曼《新聞女王》
最佳男主角：陳豪《破毒強人》
最佳女配角：高海寧《新聞女王》
最佳男配角：林子善《隱形戰隊》
飛躍進步女藝員：劉穎鏇《隱形戰隊》、《靈氣逼人》
飛躍進步男藝員：馬貫東 《黃金萬両》、《破毒強人》、《新聞女王》
最佳女主持：麥美恩
最佳男主持：周奕瑋
最佳資訊及專題節目：《無窮之路Ⅲ—無垠之疆》
最佳綜藝節目：《中年好聲音》
最具潛質新人：鍾柔美、游嘉欣、冼靖峰、古佩玲、炎明熹
最佳電視歌曲：炎明熹 - Crystal Clear《新聞女王》
最佳衣著男藝人獎：馬國明
最佳衣著女藝人獎：佘詩曼
專業精神獎：《東張西望》團隊
萬千光輝榮譽大獎：袁志偉
大灣區最喜愛TVB劇集：《新聞女王》
大灣區最喜愛TVB男主角：黃宗澤《廉政狙擊》
大灣區最喜愛TVB女主角：佘詩曼《新聞女王》
大灣區最喜愛TVB綜藝及資訊節目：《獎門人感謝祭系列》
馬來西亞最喜愛TVB劇集：《隱形戰隊》
馬來西亞最喜愛TVB男主角：馬國明《新聞女王》
馬來西亞最喜愛TVB女主角：佘詩曼《新聞女王》
馬來西亞最喜愛TVB綜藝及資訊節目：《心度遊》(《隨懿深度行》)
