網民嚴選6位落差大KOL 雪兒被指「最大騙案」、西童「大媽變女神」？MC張天賦緋聞女友Kay都榜上有名！

現今世代有不少靚女網絡KOL，追蹤人數不亞於明星，收獲一大堆粉絲。不過，由於缺乏上鏡渠道，不少網民都認為靚女KOL的真面目未必如照片中美麗。近日，有網民於連登討論區以「（照妖鏡多圖）X，呢班所謂kol 真人原來咁柒X」為題，嚴選了6位大家認為真人與照片最大落差的KOL。

網民嚴選落差大KOL：雪兒（IG：suetyic）

在Instagram擁有近15萬追蹤者的雪兒，以驕人上圍見稱，經常分享性感照片。不過網民於帖文中張貼了雪兒在地鐵零濾鏡的生圖。

不少網民都認為落差極大，甚至有人另外以「suetyic 呢條女算唔算ig 女之中最大騙案，十幾萬人follower 但真樣竟然係咁」再開一個帖子討論雪兒，表示：「變左菲律賓樣加縮小波」、「阿豬阿狗係女神」、「講真呢d樣係一睇就知假，不過無諗過差到咁」。

Kisa 陳思慧在Instagram坐擁近15萬追蹤者，去年更在YouTube頻道「喱騷」主持戀愛真人騷《好想大聲說愛你嘅呢》。

不過，網民上傳了一張Kisa在沙灘拍節目的近照，在生圖中身形脹爆，網民紛紛留言：「張相p咗幾耐先出街？」、「好勁p到瘦咗一半」。

被網民評為落差大的其中一名KOL Kay是MC張天賦的緋聞女友！去年，有網民發現Kay在Instagram限時動態的一張全身鏡自拍照背景竟與MC之前的家中自拍背景幾乎一模一樣。

不過，網民就認為她十分照騙，從生圖中可見真人比較平凡：「明顯老咗五六歲」、「係街俾你見到，都唔會認得」、「吓，成個MK妹咁」。

曾參加ViuTV選美真人騷《尾二一屆口罩小姐》而奪冠的KOL西童（梁茜童）一直都話題度十足，被指「樣唔夠靚」等，這次也被網民認為是落差大的KOL之一。

網民上傳了她的自貼與生圖對比，表示：「好X豬，唔X掂，咪出post 谷人氣」、「西童絕對係P圖界嘅世一」、「大媽變女神」。

KOL Shiny以獨特的打扮吸引了眾多網民follow，經常於Instagram分享性感照，但是網民上傳的的生圖中可見，Shiny真實面貌與她本人分享的照片極大出入，大批網民狠批：「做乜X嘢」、「嚇到我跌X咗部電話」、「P咁大自取其辱」。

最後一位被網民指落差大的KOL是去年才中學畢業的 Helen，短時間內已有3萬多followers，以嬌小可愛形象見稱，不時出席活動表演跳舞，多才多藝。

網民上傳了她早前為韓國化妝品牌拍的廣告照片，只見她以素顏上陣，不過卻嚇到了一眾網民，紛紛表示：「同一個人嚟？」、「2個人嚟嘅，呃我唔到」、「其實化咗妝都唔係好好，但素顏咁差好心就咪接呢啲廣告」。