- entertainment
- by Say八婆
- 2023-11-29
正在熱播的翻拍爆紅韓劇《社內相親》，由拍攝至開播一直話題不絕！單單只播出2集，有「登神CP」2位MIRROR成員Anson Lo（盧瀚霆）及Edan（呂爵安）合演，旋即掀起熱話；撇除劇情，不少網民的目光似乎集中在「霸道總裁」Anson Lo身上，有指他的外型、氣勢不及原版，又有品評他的妝容過白等，因此有人更選出4位男演員比Anson Lo更適合。不過，也有不少網民挺身力撐「教主」演技到位，勝任有餘，在討論區中鬧得熱烘烘，更有網民發帖叫人不要惡意攻擊教主，竟反被斥是始作俑者？
《社內相親》第1集中，「高富帥」Anson Lo在哥爾夫球場一幕的膚色被網民批評妝容太白，又認為他太厚妝。有網民留言表示：「Sorry 但我真係頂唔順AL」、「不明他的妝越化越濃，不太自然同好看」、「佢個妝攪唔掂，真係白到反光好唔自然」、「Golf場個樣先攞命，得佢一個Filter咗」、「同之前大叔的愛個樣差好遠」；隨即有大批網民為Anson Lo平反，指出他本人膚色一向因太白而造成的困擾：「其實AL有講過，因為佢啲鬚根好勁下，所以要遮，加上佢本身就好白，咁咪變咗咁樣囉⋯」、「打燈打到啲人塊面光燦燦，成個燈泡咁」、「佢本身就好白，一打光同落少少Filter就會好誇張咁樣」；不過平心而論，這些都是妝容和拍攝效果問題，難怪網民指Anson Lo也是受害者，叫人不要攻擊外表。
被讚似足「霸道總裁」！
有網民指Anson Lo跟《社內相親》原劇角色「霸道總裁」沒有太大分別，更有指他carry到個角色：「我覺得AL幾match個角色啊，斯文靚仔，氣質都似有錢仔」、「教主眼神同細微位一直進步，除左用眼睇，細心啲會留意到」、「CEO要高冷內斂，無咩表情，其實難做，AL微表情做得幾好喎」、「教主尚欠一點點霸氣，但整體嚟講係收貨嘅」，有大批網民表示滿意！
不過卻有網民表示不認同，有指港版「霸道總裁」說話不夠力、不夠冷酷，也不夠霸氣，同原版有所出入：「我係神徒，我都覺教主講嘢唔夠霸氣，特別尾音位置，有時聽唔清楚；但都好高興教主可以做呢個角色，要繼續努力」、「我覺得anson lo做有啲細路扮大人既感覺 」。
網民嚴選4位男主角
網民推舉出4位男藝人，認為可取代Anson Lo飾演《社內相親 》，其中2位人更是MIRROR成員。
第1位：Stanley更勝任？
最熱選的1位是Stanley（邱士縉)：「Stanley同韓版男主嘅外形同氣質，各方面更接近」、「AL做得唔夠霸氣，我諗搵Stanley會更合適。」、「12子內我第一個諗起呢個角色係啱大表哥，不過登神的商業效益實在大太多」、「我覺得大表哥襯啲」，更有人指：「登神真係同韓版爭太多，prefer大表哥做CEO，皮皮做秘書」，想來個大洗牌。
第2位：Ian
Stanley以外，MIRROR成員Ian（陳卓賢）成為另一心水人選！有指Ian外型高冷、文質彬彬，加上有身高優勢，因此被網民看中出演《社內相親 》男主角。
第3位：193
第3位是ERROR成員193，不少網民認為193的身型跟霸道總裁非常相似，加上193的搞笑演技，相信效果會很有趣。「193個氣牆身型應該啱做總裁」、「平時嘅193果種霸道係有啲小朋友式，感覺應該會幾好笑！」和「193carry到」。
第4位：劉俊謙
有份參演熱播劇《此時此刻》的劉俊謙，近日在台灣人氣急升，演技備受肯定，加上其俊俏外表，討論度極高。撇除16子人選，有網民推舉劉俊謙亦勝任「霸道總裁」，指他「好靚仔，又識做戲」、「演咩似咩」，難怪成為第4人選。
此外，有網民更在FB群組「造星評議會 - 全民造星討論區」中，發帖文指責：「有個別別有用心人士有組織地發動孤狼式攻擊教主」，不過此帖文一出卻被人反指樓主是始作俑者！
《社內相親》才剛開播經已掀起討論熱度，但大家記緊要繼續收看，不要單看周邊新聞而忽略劇集各演員的努力。
