已經有4個孩子！C朗女友如何收服佢嘅心？

相信最近大家嘅話題都圍繞住世界盃，而女士們除咗睇波，睇下球場上嘅靚仔當然少不免，最近葡萄牙嘅賽事又令人重新注意C朗（Cristiano Ronaldo）呢位擁有六舊腹肌嘅球壇巨星，小編身邊仲有唔少「C朗太太」添！不過FF還FF，現實中嘅C朗原來已經係4個小朋友嘅爸爸，仲有個超火辣嘅女友，究竟佢係邊個呢？

呢位擁有完美身材嘅就係C朗現任嘅女友 - Georgina Rodriguez，今年只有24歲，但就擁有傲人嘅身材，上年11月仲為C 朗誕下囡囡Alana Martina，成為C 朗第一個唔用代母生的嘅小朋友。當大家都以為佢一定係模特兒或者明星出身，其實佢只係一名喺名店做售貨員嘅普通人。

Georgina同C朗拍拖兩年，C朗不時喺社交平台分享二人嘅合照，私底下仲會照顧C朗嘅孩子們，孩子們亦都好喜歡同Georgina相處，而C朗嘅家庭活動Georgina都會出現，雖然未結婚，但睇得出C朗已經當咗Georgina係一家人～

而Georgina曾經喺ig 同男友示愛：「你要繼續加油，我會時時在你身邊愛著你、支找你、仰慕你，你回到家需要的任何東西我都會滿足你。」願意喺身邊默默支持嘅女人，有邊個男人會唔心動呢？