微辣阿晶逝世｜網傳多姐Doris最新回應：真相已經唔重要 曾指責阿晶「搶Job」被爆帶頭玩杯葛？

YouTube頻道微辣前經理人阿晶（Jane）日前自殺輕生，並以千字遺言控訴受同事欺凌及威嚇，當中一句「最後在此澄清我從來沒有搶過任何人Job」再次令網民討論早年的「搶job事件」，而事主之一的多姐（Doris）再被眾人圍剿下終於疑似有最新回應。

閱讀更多：微辣風波｜一文睇清微辣最新事態發展 兩成員正式退出 加蔥未婚妻儀仔被網民批揭發係心機女？

網傳微辣多姐Doris道歉：真相已經唔重要

微辣前經理人阿晶輕生事件持續受到關注，由於遺書中阿晶再次澄清自己沒有「搶Job」，足以可見此事令她至死也未釋懷。事源2021年阿晶離開微辣後，多姐突然在Instagram上發出帖文，表示前經紀人（指阿晶）已經離職，並希望各品牌公關有工作邀請或寄件時，可以聯絡新經理人。由於阿晶在該時期也有為不同品牌宣傳，於是相關發文被認為是在暗示阿晶「搶Job」。

而阿晶其後貼出與公關的對話，力證自己清白，又貼出與多姐的對質內容，希望對方還她一個清白。

在阿晶自殺離世後，不少網民湧入多姐的社交平台留言問責，近日網絡就流傳多姐的最新回應截圖：「對唔住，我哋無好好咁處理件事同埋關心到佢嘅情緒。呢件事發生其實邊個都唔想，發生呢件事我自己都未接受到。接住嘅係收到咁多人嘅攻擊，我仲未可以好好咁處理自己心情，而且我只係覺得真相或者證據係呢刻已經唔重要了，我當初應該好好地同佢面對面傾，宜家只想Jane安息，對唔住！」

而疑似多姐的回應就引來大批網民直斥，表示「要幾咁不負責任先講得出咁無良心，咁推卸責任嘅無恥說話」、「強調真相唔重要嘅人，通常都係因為真相對自己不利」、「冇證據係手梗係話唔重要啦，如果佢真係有證據話晶搶sponsor，仲唔拿拿林放出黎咩」、「老屈完阿Jane，自己搵唔到阿Jane搶job、搶sponsor 證據就話真相、證據唔重要，但成件事嘅真相就係你有份逼死人」等。

微辣多姐被爆帶頭玩杯葛Jane？

事實上幾年前，多姐與阿晶關係仍十分友好，二人曾一起拍片，阿晶更稱多姐是「微辣朋友王」。不過早前有一位自稱是前微辣員工曾爆料，點名3位女藝人帶頭杯葛阿晶，其中包括多姐、R及Lokb。雖然有網民質疑無證據，但種種事件已令多姐成為一眾網民的狙擊對象。