advertisement

ViuTV選秀真人騷《全民造星IV》參賽者Ash(鍾卓穎)雖然早已出局,即使被爆已成人妻,但人氣反增不減,早前更曾擔任張天賦(MC)MV女主角。不過有網民眼利發現,Ash前夫在社交平台透露已離婚,立即成為討論區熱話。而Ash今日(3日)亦大方在IG 承認已離婚,並期望網民給予空間消化處理。

Ash離婚

Ash 結婚一周年承認離婚

Ash人靚聲甜,仲有天使心腸,於《全民造星IV》中深得網民歡心,於是網友紛紛為她人肉大起底,發現她於2020年年尾已與台灣男友簽字結婚,是一位人妻。被網民發現後,Ash用想「保護另一半同屋企人」作解釋,亦發文感謝老公支持:「我參加佢第一個舉腳贊成,搵到一個同你冇血緣關係,但永遠無條件支持你嘅人,見到有人鍾意我比我自己更開心嘅人,我只知道我應該要做嘅就係珍惜,因為人生可以好短暫,所以不論係另一半定係呢一個比賽,選擇咗我就唔會後悔。」當時不少網民已接受Ash的人妻身份,12月中Ash亦在謝瑞麟珠寶廣告中提及先生,本以為Ash會繼續用人妻身份搵真銀,但事實往往令人出乎意料。

Ash離婚

前夫自爆已與Ash離婚:謝謝你 讓我認知到自己的不足

然而,結婚一周年後竟傳出離婚消息。先有網民發現她的老公4日前在社交網發了3個post公佈離婚,不僅自爆會獨自回台灣,還公開當日跟Ash結婚的照片,感激Ash留給他的美好:「謝謝你,讓我認知到自己的不足」,並指當他成為更好的人,定會重新追求Ash,可惜目前的他給不了Ash幸福。

A post shared by (@) on

Ash離婚

Ash離婚

網民唔收貨 指Ash是雙面人

面對前夫自爆已離婚,Ash亦在IG限時動態留言,直認二人已經離婚,希望大家給予空間去消化和處理:「感情係兩個人之間嘅事情,我哋由朋友關係認識到今日,而無可奈何地要結束呢段關係,過程有開心有眼淚付出同回憶。我哋和平達成共識,分開係由衷地想對方往後成為更好的人,亦祝福對方可以過得順心順利,由於呢個決定係不久之前作出,一直有家人同摯友陪伴都想低調處理,因為彼此不多不少,都承受咗一定心理壓力,希望大家畀啲空間我哋去消化處理。」

Ash離婚

Ash離婚

可是,有網民質疑Ash剛出道便離婚,時間上實在太巧合,直指她「貪慕虛榮」、「為咗要入娛樂圈離婚」、「嫌另一半窮」、「入得娛樂圈,見識多咗,人自然會變」。有網民質疑半個月前才在廣告中提及先生,感謝他的支持,為何半個月後又宣布離婚?認為Ash前言不對後語,被指為「港女世一」、「雙面人」。又有部分網友指「可能係佢老公做錯事」、「唔啱真係唔好啞忍」。不過感情始終係兩個人的事,希望他們可以順利走出婚姻的傷口,各自展開新生活吧!