聖誕gel呢啲!編輯推介兩款大熱閨密甲!

聖誕節就到,好多女仔都會趁機幫指甲扮靚!但你又有諗過,可以喺呢個普天同慶嘅日子,約埋最close嘅姊妹,一齊去整「閨密甲」呢?今次就由兩位編輯親身示範兩款聖誕大熱甲款,快啲埋閨密一齊整啦!

Style 1:Cool & Sexy
第一款相對比較型格,適合較cool嘅女仔,而且霧面甲款好適合冬天!呢款甲重點落於立體裝飾上,好有聖誕氣氛,於食指以多種不同閃石堆砌成一棵聖誕樹,睇落好bling bling,絕對啱聖誕!

Style 2: Sweet & Cool
第二款相對比教少女,整體用上粉紅色調!重點畫上冬天大熱嘅格紋圖案,睇起來層次豐富之餘,加上閃片裝飾之後變得更加華麗。而另一款印章款式設計超特別,用上3D粉製造立體效果,加上字母之後像真度十足!

Checkpoint: 閨密印記
呢款閨密甲最特別係喺二人手上,各自貼上一半以紅色鐵線整成嘅「LOVE」字樣,當姊妹貼上「LO」,你可以整「VE」,當兩隻手指一齊放嘅時候,就會出現完整嘅字,絕對係一大亮點啊!

 

Special thanks:Nu NAils and Beauty