advertisement
終於都踏入秋天，化妝袋裡面點都要常備一支潤唇膏，但知唔知點先為只一支「好」嘅潤唇膏？以為貴嘢就一定係好嘢，咁你就錯喇，近日消委會就有調查指出，價錢同功效唔一定成對比，平價一樣可以性格比高。
消委會測試10款本港市面有售的潤唇膏，包括：Dr. Hauschka、LUSH、Cattier、Melvita、APIVITA、Dr Organic、BURT’S BEES、Caudalie、EOS以及lavera，發現該10款非礦物油類潤唇膏的保濕程度全屬中等，總評以5分為滿分，各有5款獲3 .5分及3分，但售價竟然相差3倍！
最平嘅係只需39元的lavera潤唇膏，保濕程度同另一個品牌Dr. Hauschka（160元）一樣，原來平嘢都有好物，以後大家又多個選擇。
除咗保濕度，香港天氣潮濕，唔少人都有唇部敏感嘅問題，揀潤唇膏都要小心啲。今次調查就指出，喺10款本地有供應的樣本中，LUSH同Dr. Hauschka分別標示含有6種同10種可致敏香料成分，而10款樣本中只有BURT’S BEES標明含有羊毛脂呢種會令部分人產生皮膚不良反應嘅成分，以後揀潤唇膏記得睇清楚成分表先好買喇！
