advertisement
雖然唔知今年嘅秋冬季幾時到，但潤唇膏對同小編一樣四季都好dry嘅人士嚟講，係每一日都好重要～今次就介紹呢粒Tsum Tsum「大頭仔」萬聖節版護唇膏俾大家，傻頭傻腦嘅模樣超級萌！
離萬聖節仲有一段時間，但Tsum Tsum嘅一班嘩鬼們已經換上萬聖節服裝喇～米奇米妮化身萌萌吸血鬼小情侶，連黑魔女、庫伊拉、烏蘇拉都加入一齊扮鬼扮馬（其實都好似都係着返自己衫）
成日出搞怪造型護唇膏嘅LIP SMACKERS，今年嘅萬聖節版Tsum Tsum潤唇膏，唔單只外型可愛，仲有好多味道可以選擇，除了有野莓、葡萄、紅絲絨，仲有手指餅乾、酸捲捲條軟糖，啱晒同樣鍾意搞怪嘅你！
長出吸血鬼牙嘅米奇，同戴上圓點點南瓜色蝴蝶結嘅米妮實在太可愛喇！
除咗唇膏，烏蘇拉、黑魔女、庫伊拉呢3位迪士尼嘅「壞女人」仲有推出指甲油系列，分別各自嘅代表色，加上金屬光澤質地，襯晒今年嘅萬聖節造型！
圖片來源：lipsmackerbrand @Instagram
