advertisement
10個女仔有9個出街前執袋至少都要用十幾分鐘，最用得耐時間一定係個化妝袋，又要執唇膏，又要帶粉餅補妝，成日執漏之餘，仲好容易整碎，真係心都疼埋～不過，只要有呢樣嘢，就可以解決到你嘅問題，就係「化妝紙」！
呢款由Mai Couture推出嘅化妝紙，只要喺臉上輕輕一抺，就可以幫你化到個全妝，包括胭脂紙、陰影或光影紙，連粉底紙都有！呢種paper makeup喺外國已經好流行，重點係細細包帶出街好方便，唔使一盒二盒，妝感又自然，啱晒懶人一族！
不過小編提醒大家，用嘅時候要小心啲，雖然細細張好方便，但要小心控制份量方面，特別係陰影粉，唔小心塗抹得太多，就秒變花臉貓喇～另外，就係好將佢同面油紙搞亂呀，到時成面都係顏色就唔好睇啦，想買嘅話可以去 Mai Couture官網 或者 Sephora法國官網 睇下。
其實除咗Mai Couture，日本京都品牌Yojiya都有推出過類似嘅胭脂紙同調色蜜粉紙，一樣啱晒出街唔鍾意帶太多嘢嘅朋友仔。
圖片來源：Mai Couture、Yojiya