advertisement
譚杏藍 Hana Tam,香港女藝人及歌手,暱稱 小花 . Youtube beauty channel 3大紅人之一,深受大量品牌認同,Youtube channel 總遊覽量已超過五百萬。

逆光變女神

如果大家有睇開日本雜誌,你總會覺得班女model嘅相好「飄逸」,好「日系」,睇落好舒服!但原來唔太難做,只需要靠啲「逆光」就可以幫個model打番啲髮光出黎,簡單影出「日系」感覺!

不過逆光相好容易會令個人塊面黑晒,所以依個時候你就可以開手機的HDR功能,等張相既曝光平均返少少,咁就靚晒啦!

偽長腿

想1秒變長腿有咩計?靠影相就得啦!

方法就係當我地影全身相嘅時候,不妨低炒少少,咁就可以靠鏡頭嘅特性,令到雙腿好似被拉長咁,好神奇呀!

不過調返轉,如果你想高炒影大頭的話,就記得唔好影埋對腳啦,因為對腳反而會縮短晒呀!

妝容配合

好多女仔自拍都喜歡將塊面拍到又白又粉嫩,但如果影相果陣皮膚狀態唔好,朝早起身又未趕得切化妝點算?

其實用手機嘅美肌效果就可以簡單攪掂啦。好似E8內置嘅「柔膚」或者「美白」功能,效果出到黎好似幫你打左粉底咁,又方便又靚,啱晒我地D懶懶地既美少女!