advertisement

我地長居美國,每年夏天帶兩個小朋友返香港,佢地都會比平日睇多左好多野,同樣亦感受多好多野!香港人口密集,一出門口已經係碰口碰面,會響耳邊聽到別人既生活對話,同我地響美國既生活真係好唔同。響果邊生活,呔仔細細對得最多既就係我,每日我做既事,我教佢地既就係學呢一套。但響香港,佢地會多左好多疑問,隔離哥哥講句白痴,師奶講句八婆,佢地都會碌大對眼,哇哇哇!講D咁壞既野既?? 當然粗口呢D助語詞係未識聽,如果知道係咩一回事,我諗佢地會覺得香港好恐怖!

500107419

外國長大的小孩,我無比佢地睇過港劇,因為D內容真係太癲喇,愛情片就出軌呀,家庭片就爭產呀,陰謀呀,鬧交呀... 可能有人會話,佢地始終會面對呢D事,無可能唔比佢地接觸,但在於我立場,我係會想盡量可以遲就遲啦,而家得6、7歲,佢地既世界應該係非常美好既!好似琴晚細細同爸爸 whatsapp 篤公仔,佢會將一個 sad face 睇成一個訓覺樣,我覺得好得意,我從來唔知呢個樣可以代表訓覺,証明細細有一個Positive Mind。

 

然後到我而家咁大個,經歷左好多事情之後,我好明白Positive Mind既重要性!原來思想正面呢樣野,係可以影響一個人既人生。無論於家庭上,工作上,定還是朋友關係,當你思想正面既時候,會響呢幾方面都有好大既得益,又就算真係有唔好既事情發生,你都可以用一個正面心情去面對。呢個絕對係我想比到呔仔細細學習成長中最重要既一樣野!可以話係一個面對逆境既能力,而同時亦都係一個開心生活既因素!

shutterstock_274883702

希望睇到呢篇文章既讀者,都可以睇到每件事美好既一面!