卵巢多囊症問題—覆超超心急人

卵巢多囊症問題-覆超超心急人

醫生:

我今年快32 歲了。2 年前因月經不準時,有時差不多半年都沒來經,近一年睇左醫生,佢開左通經藥我食,但一停食,又唔來!及後叫我試試食避孕藥,睇下會唔會月經自然正常來,但效果都不理想。試過驗血,睇下荷爾蒙正唔正常,結果都系沒問題!

之後去左專科,check 到一切正常。於是醫生安排我去照超聲波,但唔知個次系唔系小便未到最急的關系,照不到有問題。於是醫生轉介我去QE睇,個次又系照超聲波。但個次系好急好急小便的。結果是兩邊卵巢都有小水泡,醫生話系卵巢多囊症。兩次結果時間差距約4個月左右,點解結果唔同。第一次系私家的,第2 次照系QE 照的。都唔知信邊個。

之後Q 開左通經&排卵丸我食,因那時未有心理準備要BB,於是我沒食排卵丸。但依家又想有BB,但計一計,已好大年紀啦!好心急,於是心想不如做手術刺穿的泡泡,但想請問有冇後遺症同埋系點做架?同埋價錢大約幾多!如可以負擔想系私家做。因公立太慢了。依家好心煩啊!上網又見人講做左尼個手術都會再覆發的,是嗎?

醫生建議我減肥,但想問減肥後,就會自己排到卵了嗎?同埋減左肥之後,個的泡泡會唔會沒左尼!使唔使定期check 住有冇大or 多左泡泡尼?

問題有點長,希望醫生為我解答。thanks you!

1.做刺穿多襄症水泡,有後遺症嗎?仲要什麼條件配合?私家大約幾錢?做完幾時可行埋受孕?

2.醫生建議我減肥,等月經正常,但又講有月經唔代表有卵排,咁就算到時月經正常的泡泡的問題還存在嗎?係咪一日的泡泡系度,就唔會正常排卵呢?

3.中藥真的可以醫好尼個病嗎?但中藥又好慢,我等唔到啦!點算?

超超心急人 施太上


施太,

1.一般不會帶來後遺症,過程中須進行全身麻醉,以腹腔鏡方法刺穿水泡。完成手術後,患者便有機會自然排卵了。

私家醫生收費一般需要數萬元,包括麻醉師、住院服務等等費用。手術完畢,只要月經正常,便有受孕機會;如不正常,可服藥。

此外,如不進行手術,也可考慮以藥物來刺激排卵,無論是口服排卵丸或打針都可考慮。建議與醫生商量最佳方法。

2.即使有多襄症水泡,亦是有機會排卵的。每月經期準時,代表有排卵;如果經期不準時,則代表排卵情況不理想。

3.西醫角度會有較多科學醫學根據,中醫角度則暫時較少。如從西醫角度看來,這種情況可考慮服藥、打針或進行手術。建議與婦科專科醫生商量及跟進。