有關唐氏報告疑問 – 覆Sherry

有關唐氏報告疑問 - 覆 Sherry

我3個月果陣去左仁安抽血度bb頸皮 ,第3日醫院打俾我話冇問題;但報告出左之後,我本身我果group o既年齡組別比率係 1:1076,但我出黎o既結果係
1:684。

佢話因為我d血液裡面o既荷爾蒙水平低o左d,所以出黎個結果就咁,醫生冇正面答我係高風險定低風險,我問醫生需唔需要抽胎水,佢射番個波俾我話,你驚咪抽囉,佢咁樣答我覺得好唔專業,請問其實我係屬於高風險定低風險?有冇需要抽胎水?因為據我所知會有1%機會流產。

謝謝!

Sherry


Sherry:

度頸皮是現今較為準確去預測胎兒有沒有唐氏綜合症的方法,但這個測試不是100%準確的,若預測到風險高,便要再決定是否抽羊水。如果測試出來有唐氏綜合症的風險比抽羊水的風險高,那就值得抽;相反,如比有唐氏綜合症的風險低,自然不值得去抽。

一般界線定為300分之1,如測試風險低於300分之1,便不值得去抽羊水。