有水瘤可以懷孕嗎-覆Janice

有水瘤可懷孕嗎 ?覆Janice

醫生你好！本人32歲，2月中便33歲。本人於去年8月準備懷第二個小孩子作產前檢查，發現左邊卵巢附近有一個約4.5cm x 3.5cm的水瘤，第一個醫生叫我觀察兩個月再覆診，發現仍然存在，故醫生開了21天荷爾蒙藥我食，食了後沒有消失反而變大至5cm
x 4cm，醫生立刻抽血檢卵巢癌指數及負血型抗體指數（因我血型是O-），報告出了後一切正常。

醫生叫我做手術割左去，因我知道水瘤有可能會縮小，所以沒有做。到現在跟了第二個婦科醫生，剛check完水瘤仍然是約4.5-4.8cm x 3.8-3.9cm（有時大D有時細D），醫生話可以做又可以唔做，因為佢話水瘤是良性，咁耐都冇變化太大，故懷孕後相信唔會變得太大，可以懷孕。若真的懷孕及水瘤同時變大亦可以做手術處理水瘤，最重要當時個BB是穩定的。

我想問以我這情況做好定唔做好？因知道做了有絕大機會有番，會唔會做完到懷孕（因唔會即刻有BB）後又有番？唔做的風險高唔高？謝謝！

Janice

Janice：

如果水瘤是良性，但大過4cm的，可以考慮做手術。做手術後，水瘤不會翻發，但不能阻止新的水瘤再出現。也可以選擇用針抽取水瘤，但會有百分之五十的機會復發。

現時切除水瘤，可以採用微創方法，即日或住一晚已可出院，傷口不會太痛。

至於做完手術後懷孕，其實每個女士在懷孕初時都會有水瘤，一般在8-9周後自然凋謝，也有一部分人的水瘤可能會長大。水瘤與胎兒一同長大，有機會導致卵巢扭曲、血管閉塞，令卵巢壞死。如這樣的話，可以選擇做手術，但當然會有風險；如果不做手術，水瘤也有機會爆破。但放心，4cm的水瘤，應該問題不大。