排卵藥問題 - 覆Ada
本人今年35歲，有卵巢多囊症。做左檢查輸卵管正常，醫生開左排卵藥（Clomifene Citrate），前後食左4個cycle....頭2個cycle食1粒，之後食2粒。我知道只可以食多2個cycle，如果未有，之後就要試人工授孕。
問題是： 我可唔可以暫時唔食，遲2至3個月先至食最後2個cycle藥？因為又有朋友流產，我想先調理身體（而且上個月我的鼻竇炎翻發）。
謝謝！
Ada
Ada：
當然可以暫時不吃，遲2個月再吃都沒問題。但要注意，一般來說如果吃排卵藥可以懷孕成功的話，應該在4-6個週期內便會懷孕；假如吃了半年也不能成功的話，就要考慮是否有其他原因，要作多些檢查，甚至要接受其他治療，包括人工授孕。
