advertisement

由陳貝兒Janis主持的《嫁到這世界邊端3》開播一星期,反應一如過往兩輯般受歡迎,她到了非洲尼日利亞、摩洛哥、埃及、新彊尋訪嫁到世界邊端的香港人妻,隨後會繼續去日本、法國、比利時。聽了每一位人妻的故事,Janis都既佩服又感動,認為她們選擇了愛情,願意為深愛的男人甘心嫁到咁遠!從電視節目我們可以看到一個個感動的愛情故事,那麼故事背後,Janis又有甚麼跟大家分享呢?一齊go live問她吧!

 

網民︰邊個國家嘅男人最適合做老公?

Janis︰我拍咗三輯,見過好多人夫㗎,我覺得其實冇話邊個國家的人夫最好,最緊要你自己鍾意,你最愛嗰個咪就係最適合做老公囉。我發現港男都絕對係一個好好嘅選擇,因為大家嘅文化背景一樣,又溝通得到嘛。


網民︰邊個地方最大男人主義?

Janis︰邊個地方係最大男人呀,上次就去咗韓國,今次就去咗日本。日本同韓國啲人都覺得係好大男人嘅地方,但我發現其實佢哋兩個國家嘅人夫都有佢哋好溫柔嘅一面,其實啲男人都係對住自己鍾意嗰個呢,就會變得好情深,同埋好心心眼!

網民︰我想嫁去瑞士/法國,有冇男人介紹俾我?

Janis︰有冇男人介紹俾你呀,咁如果有嘅話係咪應該留返俾自己知呢?Sorry,haha。

網民︰你覺得邊pair夫妻嘅故事最sweet呀?

Janis︰今次有8 pair嘅故仔,最sweet呀?我好老套地覺得其實pair pair都好sweet。我哋今次就採訪咗一個男仔嫁咗去比利時,我覺得佢呢個故事真係好感動,佢衝破咗好多嘢先至可以依家開花結果。佢同佢老公都係有嗰種共患難,同埋唔理世俗眼光嘅感覺。大家留意下比利時呢pair嘅故仔。

網民︰你訪問嗰啲過埠新娘,有冇講性生活方面嘅煩惱?

Janis︰呢啲我哋girls talk呢私底下都有研究過嘅,咁但係呢好難喺呢度同你分享噃,有機會嘅話我同你哋再溝通下呢個問題,我問過佢哋但佢哋都比較怕羞,都冇詳細咁講。

網民︰你有冇艷遇?

Janis︰其實有好多人都有問過我,我有遇到但係冇時間艷囉。因為拍攝太辛苦喇,好多地方都遇到一啲可以繼續傾偈嘅新朋友,但係就冇時間艷,你哋會唔會有啲咩好介紹俾我呀?我唔介意出嚟傾吓偈飲吓咖啡。

網民︰如果俾你揀,想嫁到世界哪一個邊端?

Janis︰如果真係要揀嘅話呢,我又真係好想留返喺香港。香港始終都係屋企喇,唔使去到咁遠。其實冇得我揀㗎,係你揀人人揀你,即係睇吓到時遇到一個邊度地方嘅男仔,咁我都願意跟佢去佢嘅地方嘅。

COORDINATION : Joey Chen

VIDEOGRAPHER : Johnny Yau & Tat Hui

EDITING : Melody Law

MAKEUP︰Sammy Lam

HAIR︰Keith Wong & Alex Siu @Orient4

WARDROBE︰Oplus2 (O+²)

 

延伸閱讀 《嫁到這世界邊端3》陳貝兒最難忘去廁所!佩服非洲人妻為愛不怕危險