advertisement

柏原太賀【Let's Play (13) 代罪羔羊】
雖然眼前的情景,完全超出白崇德的想像。但身為一位經驗老到的前刑警,他明白一個簡單的道理,便是凡存在都有其合理解釋。一時之間,他不可能整理所有細節,卻在幾秒的冷靜後,便立即得到一個結論。

「你哋一早識,打算利用我去脫罪?」

啪啪啪!

「厲害!」Herman 一邊拍手,一邊說:「果然經驗老到,見到屍體仍然臨危不亂,仲有時間去分析。」

「我冇殺死思特恩的動機,你哋唔可能脫罪。」

「你呢一刻冇,但......即將有。」

說時遲,那時快,Herman 已經撲到思特恩的屍體上,一手抽出短劍,立即轉身刺向白崇德。長年的訓練成為條件反應的動作,白崇德輕易地避開,再單手擒拿着 Hermam 握劍的手腕。說成功,卻又出乎意料。Herman 的短劍確實脫手,但卻不似被扼腕而脫力,反而更像主動鬆手。

果然,Herman 立即伸出左手,利落地以兩指夾住跌下的劍尖,再作勢斜向白崇德。如此一氣呵成的變招,確實難以想像由文質彬彬的 Herman 使出來。眼見只要輕輕一拉,白崇德的肚皮便會被劏開,他別無選擇地立即緊握劍柄。奪劍後,白崇德再一腳踢開 Herman 到安全距離。看似解除了即時威脅之際,他卻發現 Herman 不懷好意的笑容。

「你知道有錢人家嘅少爺仔,好多都有練習搏擊嘅嗜好嗎?」

同一時間,研究室大門被人用力撞開。

「咪郁!警察!立即放低手上武器!」

******

當警員推門時,疑犯手握被視作短劍的武器。地上有一個受重傷的外藉老人,老人身旁有一名哭泣的女士,而在疑犯前面的男子,明顯被踢倒之餘,手上有一道看似被疑犯手上武器造成的傷口。

這些幾乎是所有警員一致見到的畫面。即使是外行人,也明白這是一個對疑犯相當不利的現場。何況疑犯還是經驗老到的前刑警呢?

Gary,我唔想你跟呢單案。」白崇德被拘捕以來,唯一開口的,卻是面對自己的徒弟。

「師傅,你點解咩都唔肯講?你知咁樣對你好不利㗎!」許 Sir 對他們竟在如此情況下再次一起出現於命案現場,仍感到難以置信。

Herman 一口咬定係我殺人,而個女人亦變成目擊證人,啱嗎?」白崇德在審訊室內,腦袋不停地運轉。「等等!佢應該話佢哋三個人喺研究室,然後我突然無理取鬧,於是佢報警。同埋,呢幢大廈有人事前做過手腳,所以冇閉路電視。」

「你既然明知會係咁,點解仲唔肯講半隻字呢?」許 Sir 已經焦急到差點哭出來。

「我而家講咩都冇用,因為一切都太明顯。我諗成間差館,呢一刻得你仲信我。但係你好快就唔可以查落去,因為你同個女人事前有接觸,而且你仲係我教出嚟。仲有,好快就會有人查到我曾經去過個自殺嘅男人屋企。我會被視為退休後,出現無法放下執行公義嘅心理病。」

「咁事實係......

「你信我嗎?」

「信!」

「咁就得喇!呢一刻,只有一個人可以證明到我清白,你一定要保護佢。即使佢離開香港,你亦唔可以畀佢離開你嘅視線,明白嗎?」

「點解唔而家就叫佢返嚟呀?」

「因為未係時候,而家請佢返嚟,只會成為另一個指證我嘅人。」

在交代了後,許 Sir 剛踏出審訊室,果然被上司告知必須退出此案件調查。同一時間,白崇德不禁失笑。他為自己的失策而感到可笑,心想怎會連如此簡單的騙局也看不破.......對了!果然,以一個震撼事實為基石後,往後的所有謊言都變得可信。

而許 Sir 仍在思考最後的叮囑:「記住,凡事都要沉住氣。今次,無論如何都係師傅累咗你。」

******

柏原太賀【Let's Play (13) 代罪羔羊】

在拘留期間,警方當然在毫無懸念的情況下,按白崇德估計的方法作調查方向:在一廂情願地被視為懸案未結的情況下,以不歡而散的形式退休,令他產生了過度的執念。同袍之間都知道他往日對破案的堅持。於是,過份的執着讓他認為必然有兇手及同黨,卻在毫無理據下鎖定 Herman Florian,並對他們進行滋擾。這點更是由他的上司得到引證。

雖然在時間線上,「退休」及「執念」出現了先後的落差。但由於是短時間內發生,加上所謂的退休是由白崇德主動提出的,難保他是因為破不了心目中的案件,才萌生退意。

「作為剛剛嚟到香港嘅生意人,我需要一個本地嘅退役警員做私人保鏢。而且,我以為上次嘅誤會解開後,令彼此之間更有互信,畢竟已經算係交過手。但估唔到.......我累死咗我一生之中嘅恩人。」Herman 落口供時,時而憂傷,時而咬牙切齒,倒算七情上面。

柏原太賀【Let's Play (13) 代罪羔羊】

「我同 Herman 本來都係爸爸......即係思特恩先生嘅養子同養女,佢除咗係一位偉大嘅企業家之外,亦一直擁研發能夠造福世界藥物嘅高尚理想。嗰晚佢好興奮咁叫我哋去研究室,話已經突破咗一個缺口。但係,我唔知點解呢個兇徒會突然出現.......Florian表現出要用力壓抑激動,才能繼續作供:「我之前因為同佢一位下屬去開房,令佢好唔滿意,仲喺酒店大吵大鬧。好彩當時Herman 以酒店負責人身份趕走佢,佢仲帶走埋 Gary,即係我 one night stand 嘅對象。當時,我根本唔知佢係咩人!」

Florian 的口供得到酒店大堂職員及經理證實。由於他們都沒有看見眾人離開的情況,所以只知道白崇德曾無理搜查的「事實」。

「妳同 Herman 既然只係兄妹,點解會喺妳同人開房嘅時候咁啱出現?」負責調查的警員也不是一開始便全部相信 Florian,畢竟按她的描述,Herman 的出現時間也未免太巧合。

「我哋只係義兄妹,本來就一啲血緣關係都冇。其實我哋兩個一早已經係 open relationship 嘅情侶,但係男人嘛......佢唔想我再係咁,原本係打算嚟阻止我。」

「咁之後呢?」

「個男人帶走咗 Gary 之後,Herman 喺房陪我到第二朝先 check out,酒店大堂嘅職員應該有印象。至於我哋喺房內做咩,相信冇必要交代。」

警員被原此混亂的關係震撼了,卻讓供詞變得可信。事實上,那一晚許 Sir 在醫院證實沒大礙後,便從酒店秘道回到房間。翌日,他倆在一起退房後,Herman 才獨自到警署向白崇德的上司告狀。當然,更要命的是對 Gary 的指控。

Gary 仔,你老老實實同我講,果晚你同條女開房之後,係唔係斷晒片?」上司向 Gary 質問。

「係!」

「咁係你師傅送你去醫院?之後,點解請假就算,唔提供醫生紙?」

「除咗師傅之外,仲有 Herman Florian。」

「你醒番果時,親眼見到佢哋?」

「唔係,我係聽師傅講。」

「咁醫生紙呢?」

「師傅話怕呢種事會影響我前途,叫我就咁請假算。」

上司立即臉色一沉,嚴肅地說:「你口中嘅醫院冇你嘅入院紀錄,而有人話你係吸食毒品之後,先畀你師傅帶走。Gary,你需要暫時停職,並且接受內部調查。」

(待續)

 

重溫:
上一集 >> Let's Play (12) 完美犯罪   (未完待續)

從頭睇 >> Let's Play(1)逆援交

不再分離(一集完)

心野(一集完)

國民老婆結婚喇!

分手時,請讓我靜靜離開

真的有無疾而疼的愛情嗎?

我上了成為守護者的陌生人(1-20)

今年聖誕,不如罷了

原來婚姻是這樣一回事

寧愛夏迎春,莫負鍾無艷

放閃病態

消失的情書

男神與渣男的一念之差

前度:感情Resume

辦公室偷食特別多

來自山下智久的輕熟誘惑

最完美的配對(二)

最完美的配對(一)

最輕易的壓抑(一集完)

最犯禁的限聚(一集完)

偷愛的上集故事(一集完)

最自卑的禁語(一集完)

最孤獨的曖昧(一集完)

最卑劣的分手(一集完)

最溫暖的出軌(一集完)

人來人往,不如閉起雙眼(一集完)

地球爆炸前讓我再次爆房(全三集)

兩個天堂(全十九集)

愛上不存在的妳(全十六集)

靈玲(全八集)

野.火(全十集)

前度暫存迷你倉(全兩集)

如果Double May有特異功能(全十五集)