advertisement

又是一個典型分手忘記不了前度的例子,只是這個尤其地愚蠢,所以分享一下:

 

「Hi林作!你會願意聽聽我的故事嗎?我用咗14年時間都忘記唔到初戀男朋友⋯⋯我覺得自己好無用⋯⋯

 

呢14年我無開心過,日日都諗住佢。

但又唔敢去打擾佢,我知佢地址,電話,家人。

我都係無一次敢同佢講野。

 

當年我因為自卑選擇同佢分手,但原來呢14年嚟我個心無舒服過。我屋企係草根家庭,但佢係中產。每一次同佢出街我都好自卑,因為好多嘢我從來都未見識過。

 

我想試下放低佢,但我做唔到。

知佢讀唔掂理科,為咗佢,我放棄咗自己鍾意嘅文學跑去讀理科,讀自己根本唔識既A-maths、Chemistry、Physics,諗住讀識咗就可以教返佢轉頭,係咪好白痴?最終佢都去咗瑞士讀心理學。

 

好想自己唔會再回憶返呢啲片段,但我真係做唔到。

 

我哋曾經開心過,但最後就無疾而終咗。

我已經搵唔返可以取代佢既人,我唔係無試過去搵新戀情,但真係無人得。」

 

我的回答頗為簡單:

 

你係欠缺新的男人,真的!

你鍾意食咩餐?中定西?世上沒有 the one,你亦無可能成世人食一味餸菜,所以實際上你比你自己想像係要花心得多。

 

問題係你無計,仔亦唔夠多。

困咗喺度,係你經驗太少。

 

這位14年我無開心過的讀者答咗句:「或者係啩」。

或者?!係百分百。

 

我曾經試過兩任純情的女朋友,而我在交往中一直有說,我和她們不可能走到最後,因為她們沒試過多次戀愛。人性,就是要在試過不同、了解夠多後,才能好好做出決定,定性下來。這位女生的困擾,在我看來,根本就是因為自我信心缺乏而交往過太少男生,遇到一個就覺得是永遠、the one.

 

我提到的兩個前女友,之後在分手後短時間內逼自己試過了好幾位不同類型的男生,而我相信,她們現在都有了自己的覺悟。

 

至於說自己是草根家庭出身,面對出身更高的另一半感到自卑時,我是覺得可笑的。

 

一,香港沒有貴族,再上流的,其實不過是看著法文餐牌不會讀的普通中產而已。

 

二,我交往過不同出身普通的女孩子,也認識這類和富人在一齊的女生。她們哪來的自卑?她們駕馭另一半的能力,比任何富家女強!

 

為什麼你不是這樣?和我建議所有想我求助的男生一樣:沒有自信。

這是與生俱來的,卻又是後天培養的。

 

下個禮拜,重回正軌,我會和大家繼續分享如何誘惑另一半。後天努力不可少。

 

FACEBOOK:https://www.facebook.com/jolamchok/

 

圖片來源:《我的少女時代》