避免跌入Friend-zone

林作愛情避免跌入friend-zone

最近收到太多諮詢感情嘅messages,無法一一回覆。只能話,好多人,無論係男或女,都唔識得調情需要嘅語言技巧——含沙射影。所以你哋先俾人置入

 

何謂含沙射影呢?簡單!講爆嘢,然後收返,兼且道歉;模稜兩可嘅一啲comment;平庸嘅對話,但係加上嘅眼神。呢三種方式會潛意識地話俾你嘅對象聽你嘅心意。就讓所有嘢都係影射性的。

 

舉例:

 

女仔對對象話佢男朋友喺呢段關係中試過出軌,女仔一直懷恨在心,想對對方做出同樣嘅嘢,然後地望住你。然後話:「我講笑,千其唔好當真。請忘記我頭先講嘅嘢。」

 

點忘記?!更加忘記唔到啦!仲好牢固地銘記在心添!

 

用直接嘅講法,完全赤裸裸地講你想要嘅嘢,可能會令你感到好舒服——因為你誠實。不過除非你係我親戚林敏驄,我覺得唔會好有效果。每個人都有佢哋自己嘅想法、睇法,由於習慣和歲月而根深蒂固。你講嘅嘢,入到佢哋腦度係要同佢哋本身想法競爭,其實好難贏。而且人一般都討厭被人遊說——好似佢哋自己好蠢要你教咁。

 

含沙射影就好似電影Inception咁。透過一啲非直接嘅言語嚟投下暗示。個暗示一定同情感有關——一種還未被滿足嘅pleasure、生命中缺乏嘅刺激等。個暗示喺人腦海裡徘徊,但係對方好快忘記係你俾嘅暗示。一段時間後,個暗示變為對象腦海裡自己嘅想法,就好似對方一直都有呢個想法咁。於是,佢會覺得係佢自己想要你,而唔係你主動追對方。

 

所以要做嘅,係同人講人哋本身想聽嘅嘢:快感、財富、健康、冒險等嘅可能性。到最後,佢哋會覺得你正正係可以俾到佢哋呢啲嘢。佢哋會自己走埋嚟,忘記其實係你本身暗示咗俾佢哋。

 

結論:異性最好嘅做法,係唔好直接話你有幾愛一個人,而係讓對方從你嘅舉止裡面閱讀出嚟。但係依家嘅人舉止實在太含蓄。

 

建議:放下自我,厚起臉皮,但係依然含沙射影,切忌唔好太直。

 

FACEBOOK:https://www.facebook.com/jolamchok/

 

圖片來源:《我暪結婚了》

advertisement
Something is wrong.
Instagram token error.