advertisement

追女通病 無主見 林作

今個禮拜,我決定咩都唔寫,淨係重申一個太過重要嘅原則。

 

過去一個禮拜,我先後被三位好兄弟約出來訴苦,三位都有一個通病,是時下這一輩年輕人的通病,也是很多在我Facebook Page以及Instagram message問我關於感情/追女仔問題時,我馬上察覺的問題。

 

Women will chase you if you give them the space to miss you by not chasing them. Your inaction will cause them to take some action to get confirmation that you care and desire them.

 

依家嘅社交媒體文化,使很多人(女人也一樣,但主要是男人)覺得有什麼都一定要表達出來,要及時,要重複,卻忘記 less is more,還有,人類情感不是言語表達這麼簡單的永恆道理。

 

女仔,唔想你煩,要你型,要你爽,要你知道自己做緊咩。女人仲要嘅,係刺激,係冒險,係得真男人先俾到嘅嘢。

 

太多時候,你越係唔搵個女仔,個女仔越係要肯定你係仲鍾意佢。我咩都唔做,佢先發覺自己係咁想起你,掛住你,原來自己鍾意你。

 

另外一樣嘢,就係主見嘅重要性。男人主見代表能力。

 

有位兄弟問我:如果約女食飯,邊句好啲?

1) 後晚我想約你 7pm 係 xxx 食 xxx

2) 後晚我想約你 7pm 係 xxx 食 xxx,你話好不好?

 

作為男人嘅你,必須永遠揀1)。你唔可以咁低威!留意,女仔拒絕你,你也必須顯露唔介意嘅感覺。Just leave it. 唔需要哀求,更唔需要覺得唔開心。So be it.

 

所以當我聽到人話,好討厭啲女仔成日都話食咩都無所謂,然後其實又呢樣唔得嗰樣唔得嘅時候,我笑咗 - 男人應該永遠有主見。我會連問個女仔想食咩都未問,就已經提出方案。當然唔會得一個,而一定係貼心嘅兩個。

 

你覺得我串?女人受啊,吹咩?

 

林作

FACEBOOK:https://www.facebook.com/jolamchok/

圖片來源:《Fifty Shades of Grey》