advertisement
魏綺珊同老公陳文剛於二月上演舞台劇《 一夫 一妻》，那天他倆請我和幾個傳媒好友看試戲，之後大家飯聚時繆美詩問：你哋兩公婆，同一間屋，同一個劇團，一齊演戲，工作一齊，放假一齊，日對夜對……你哋……OK㗎？
Rachel口中的「OK㗎？」，意思是：你頂得順？
人好奇怪，拍拖時，日日希望糖黐豆，見少一面都不成；但一結了婚，尤其是愈結得耐，就希望盡量少見，甚至不見。
拍拖時，你會為他扮靚Keep Fit，怕肥被他嫌棄；他呢？也會多做運動，打扮打扮，女友如果投訴一句：你點解肥左？肯定大鑊過被老闆罵。
點解一結婚，所謂找到了終生最愛時，反而變本加厲？
女的變了黃面婆，不打扮，粗聲粗氣，過去的溫柔都不見了; 男的有巨大啤酒肚，件衫可以幾日不換，一陣味；而且好緊張被老婆看見自己Send Whatsapp，經常十問九唔答……
如果是會變成這樣的，為什麼還要結婚那麼笨？
當你是自由身，有得揀時，當然要靚；當你已經結了婚，沒得再揀時，更要靚。你要靚，更要他都靚；你要溫溫柔柔時，他也要客客氣氣；因為大家都已經無得揀了，要你要他對住一個又醜又脾氣臭的人過餘下的幾十年，點頂？
所以為大家著想，要管好自己，不要虐待對方。
你不虐待對方，對方出軌的機會應該會減少一些……不過， 世界上沒有任何一樣東西，任何一種關係是恆久不變，包括婚姻。所以從小我媽就對我說；你要時時刻刻保持自己的競爭力，包括你的工作能力和吸睛能力！
多謝呀媽，這個是人生最大智慧！
