advertisement

近日最熱門嘅話題,莫過於42歲嘅台灣第一名模林志玲同40歲嘅言承旭,被傳媒影到喺馬來西亞吉隆坡蜜會,令復合傳聞再次吹起!

對於傳媒嘅追問,雙方都各有曖昧不明嘅回應,言承旭表示:「很開心聯繫上了,是真誠的互相關心,看到了報導,希望大家給點空間。」而林志玲亦透過工作室回應:「謝謝大家的關心,希望能夠多留一點空間給藝人保留隱私,如果復合姐姐應該會選擇大方和大家分享喜悅。」講到咁曲線,唔通真係復合咗?

雖然有傳林志玲以英文最新回覆傳媒:「not yet,just get in touch」,但聽到呢個復合消息,唔少人都為佢哋感到高興,希望呢對金童玉女真係可以一齊返!對於愛情嘅睇法,林志玲就好有自己嘅一套睇法,佢曾經喺一個傳媒訪問中講過以下3句「愛情語錄」,或者大家可以喺其中得到一啲啟發:

 

「再堅強的女人,當想望有個人能牽著我的手,有個肩膀讓我靠一靠,讓我覺得一切再大的困難都可以過,如果可以有個人,讓我感覺自己是被疼惜的,該有多好。」

「愛情,是一輩子的學習吧,或許當你有幸碰到真正對的那個人時,就可以在愛情裡,仍舊做真實的自己。」

「我從來沒有抗拒結婚,我也希望能夠趕快碰到屬於我的那個人,在自己覺得還很想戀愛的時候,好好的談一場戀愛,我覺得屬於我的那個人,必須要有一個很強大的內心。」

 

林志玲大方表達自己對愛情嘅渴望,對嘅時間,遇上對嘅人,無論果個人係咪言承旭,都希望林志玲可以搵到自己嘅幸福,繼續愛自己!

圖片來源:chiling.lin、jerryyan143 @Instagram、網絡圖片