口裡說不,身體卻很誠實!Justin Bieber 、Selena Gomez再度「戀愛ING」?

之前因紅斑性狼瘡復發好返嘅,有傳同男友The Weeknd因為工作繁忙,聚少離多而分手,俾人影到同喺大街上拖手挨膊頭,之後仲甜蜜去踩單車,兩個人全程笑容滿面,任何人睇到都覺得似一對小情侶,引起唔少復合傳言!

雖然唔知佢哋係咪復合,但戀愛中嘅人們,往往都係「口裡說不,身體卻很誠實」,以下幾個無意識嘅身體行為就出賣咗你喇~(只供參考,如果表錯情唔好搵小編算帳啊~)

  1. 視線一直喺對方身上

就算全世界圍住你轉,你眼中只有對方嘅身影,視線一直離開唔到佢嘅身上,眼神中無時無刻透露愛意。

  1. 身體向對方傾斜

無論係言談間,定係並肩走路,你會無意中傾向對方,令你哋二人嘅距離更接近,如果對方冇避開,你哋嘅關係就有機會更進一步喇。

  1. 有意無意嘅身體接觸

同對方喺埋一齊嘅時候,身體會有意無意同對方有身體接觸,例如輕拉手臂、肩貼肩而行,甚至係「吱」對方,呢啲行為都表示梗你想同對方親蜜!

  1. 面上笑容

最後一樣,亦都係最顯而易見嘅徵兆,就係你面上嘅笑容!如果你同對方一齊嘅時候,無論佢做咗啲咩,即使只係一啲芝麻綠豆嘅事,你嘅嘴角都會不自覺上揚,咁就證明……你戀愛了!

(圖片取自網絡)

advertisement