研究發現!在這5個年齡結婚,關係更長久

三五知己圍埋一齊,夢想幾歲成為茶餘飯後討論嘅話題,根據一項由支持婚姻嘅家庭研究所Institute of Family Studies發表嘅研究指出,最適合走入婚姻嘅年紀,係喺28歲至32歲之間,雖然同婚姻長久冇必然嘅關係,但可以俾大家做個參考。

一般我哋都認為,喺年紀愈大、想法愈成熟嘅狀況下,離婚的機率較小,但根據調查 分析,喺2006年至2010年、以及2011年至2013年期間,自約32歲開始,離婚嘅機率每年會增加近5%,所以年紀愈大決定,並唔代表會走得更長久。

而喺28歲至32歲時期,一般人已經經歷過幾個重大嘅人生抉擇,包括想從事咩工作、事業規劃等,並擁有基礎嘅財務能力,我哋已經足夠成熟,了解自己鍾意嘅相處模式,識得判斷係咪可以同對方自然相處,從而判斷自己的人生決定是否正確。

除此以外,正正係因為年紀唔太大,兩個人仍然可以有辦法針對生活習慣、目標或觀念,做出調適,亦都可以支持另外一半,共同承受未來。相反,去到較年長嘅年齡,或者會對自己嘅人生觀與生活習慣無法妥協,加上有前配偶或小孩的機率較高,令婚姻穩定嘅不確定性更高。雖然唔可以以偏概全,但確實令人反思。

不過呢項研究係以美國民眾的統計調查為主,至於適唔適用於我哋身上,就見人見智,始終小編覺得各地文化各異,但都可以參考下嘅~