如果你另一半是個連行程也不想計劃的人

正值旺季,身旁出遊的人特別多,每當他們回來「派手信」時,也會習慣地問一句「好唔好玩呀」,想不到竟然有個朋友以嘆氣回應。

 

細問之下,原來是她的伴侶使他完全不能享受其中。

 

朋友跟男朋友一起了兩年,男方是典型大男人,女方卻是溫柔怕事型,
他們在半年前已訂了機票說要去日本,可是一直也好像只有女方在為程而繁忙。

 

「喂,知唔知有咩好食?」
「喂,知唔知有咩好玩?」
「喂,知唔知有咩好睇?」

 

 

每次聚會她都不會放過詢問關於景點的事,一位朋友終於忍不住問她一句:「你男朋友有無幫手諗㗎?」

 

想不到她先是靜了一下,然後露出了一個落寞的表情:「他好忙㗎……返工已經好煩,唔想連去都煩到佢。」

朋友們「你眼望我眼」,想說甚麼安慰她但又誰都不敢開聲,怎料一位「烈女」朋友卻率先打破沉默:「得幾日都唔肯plan,咁你地將來幾十年流流長,點可以放心交比佢呀?」

 

我們聽到後更是恐慌,正當想著要打圓場時,朋友竟然說:「其實我都有咁諗過……如果將來佢都係咁忙,係唔係就連我地既未來都唔洗計劃?」

 

我連忙拿起了一杯冰水倒進了口,其他人見狀也紛紛裝忙,即使配菜也放進口咀嚼扮作沒聽到。

 

「其實我都知佢忙……但係佢連想去邊,想食咩,想買咩都完全無講過,好似得我自己一頭熱咁,而佢就係純粹陪我去咁……我有時會諗不如唔好去啦。」

 

她把玩著手上的竹籤,眼神空洞得像沒有靈魂似的。

 

「唔好講去,其實連平時放假去邊佢都係咁,成日話唔想諗、唔想煩、求其就得,但佢又有無諗過花少少心思去同我去玩?即使去左發現唔好玩、唔好食都唔緊要,最重要係佢願意花心機同時間喺我身上,但事實上,佢一次都無……」

 

她說的話像個怨婦,知道問題所在卻不敢跟另一半說,因為怕傷害到他,但到頭來,她從沒察覺自己在保護對方的同時,早已把自己傷害得遍體鱗傷,不難想像她跟另一半婚後的生活,她的未來也許就像他們的旅程一樣。

 

你呢?你又否是個不願意為另一半付出的人?

 

FB / IG : promiseof8

 

圖片來源:favim.com